Vortoj de la prezidanto

Karaj geamikoj, kara klubanaro,

Mi volas komenci dirante, ke estas vere granda ĝojo kaj honoro por mi esti ĉi tie hodiaŭ, en mia rolo kiel prezidanto de nia amata Rotary Klubo de Esperanto. Ĉi tiu klubo estas pli ol organizo — ĝi estas komunumo de homoj kun idealoj, kun sindediĉo, kaj kun la volo fari la mondon iom pli bona loko.

Mi deziras vian helpon. Mi ne volas gvidi sola, kaj eĉ ne povas. La vojo, kiun ni iras, devas esti kolektiva. Ĉiu el ni havas rolon, ĉiu havas ion por kontribui. Ni ĉiuj respondecas por nia klubo — ne nur pro la taskoj aŭ funkcioj, sed pro tio, kion ni reprezentas: kunlaboron, interkomprenon kaj servadon.

Kune, ni povas fari mirindaĵojn. Kaj ni scias, el sperto kaj el koro, ke fari la bonon estas nura certeco pri vera feliĉo. Ne temas nur pri helpi aliajn — temas ankaŭ pri helpi nin mem trovi sencon kaj ĝojon en la vivo. La plej belaj momentoj ofte venas tiam, kiam ni donas — tempon, atenton, subtenon — kaj vidas, ke ĝi fariĝas lumo en la vivo de iu alia.

Do, mi invitas vin ĉiujn: restu aktivaj, partoprenu, proponu, partumu. Ĉiu ideo, ĉiu gesto, ĉiu interago helpas nin konstrui klubon, pri kiu ni povas fieri — klubon kiu vere vivigas la idealojn de Rotary kaj de Esperanto.

Ni faru tion kune, kun entuziasmo kaj kun koro. Dankon al vi ĉiuj

---

Ni alproksimiĝas al la fino de la Rotaria jaro portante kun ni la senton de plenumita agado kaj la esperon pri nova etapo. La temo de la venonta jaro – “Unuiĝintaj por fari la bonon” – invitas nin daŭrigi nian laboron kun kunordigo, entuziasmo kaj komuna celo.

Ĝi estas alvoko por fortigi la interligon inter niaj membroj, disvastigi la idealojn de servo kaj solidareco, kaj samtempe antaŭenigi la spiriton de internacia amikeco pere de nia amata Esperanto.

Ni memoru, ke nia klubo estas ne nur ilo por helpi la lokan kaj mondan komunumon, sed ankaŭ podio por montri la valorojn de interkompreniĝo, paco kaj kultura interŝanĝo. Per niaj agoj ni montras, ke servo superas barilojn de lingvo, nacieco kaj kulturo.

Mi kore dankas ĉiujn membrojn pro ilia sindediĉo, kunlaboro kaj amo al la rotaria idealo. Ĉiu kontribuo, ĉiu ideo, ĉiu etenda mano formas parton de la vojo, kiun ni konstruas kune.

Do, ni eniru la novan jaron kun renovigita energio, kun la koro malfermita al la servo kaj kun la konvinko, ke kune ni povas fari la mondon pli justa, pli frateca kaj pli harmonia.

Mi elkore deziras al vi ĉiuj feliĉon, bonfarton kaj sukcesojn en ĉi tiu nova etapo. Ni daŭrigu nian laboron — Unuiĝintaj por fari la bonon!

Dankon, karaj geamikoj, kaj ĝis la venontaj defioj kaj venkoj!

---

Festas ĉimonate

Malgorzata KOMARNICKA – 05.07

Mulele MBASSA  – 06.07

Julio CALEGARI – 25.07

---

Karaj amikoj,

Antaŭ du semajnoj, mi estis en mia salono ludante kun miaj nepoj. Kelkajn tagojn poste, sur aviadilo al Kalgario, subite mi portis la respondecon gvidi ĉi tiun nekredeblan organizaĵon. La vivo pasas rapide, sed ofte ĝi kondukas nin ĝuste kien ni devas alveni.

Ni komencis ĉi tiun jaron kun klara mesaĝo: Unuiĝintaj por Fari Bonon. Tio estas simpla, sed potenca frazo. Ĉar malantaŭ ĉiu sukcesa peno de Rotario, ĉiu ago de servado, ĉiu nova membro akceptita, kaj ĉiu tutmonda defio venkita, estas du aferoj, kiuj estas la plej gravaj: amikeco kaj fido.

Tiel ni konstruas fortajn klubojn. Tiel ni kreas signifajn partnerecojn kaj transformas tutmondajn problemojn en lokajn solvojn. Kaj tiel ni gvidas – ne per titoloj aŭ aplaŭdoj, sed kun humileco, homeco kaj koro. Sed lasu min esti sincera kun vi: tia gvidado ne ĉiam estas facila. Ni estas homoj kaj, jes, ni faras erarojn. Foje ni malkonsentas, sed, en Rotario, ni estas vokitaj al io pli granda. Ni pripensu nian vizion:

Kune, ni vidas mondon, kie homoj kuniĝas kaj ekagas por krei daŭrajn ŝanĝojn – en si mem, en siaj komunumoj kaj tra la tuta mondo.

Tiu lasta parto estas esenca, ĉar la transformo ne komenciĝas per strategio. Ĝi komenciĝas per karaktero kaj la maniero, kiel ni traktas unu la alian. Ĝi komenciĝas per la maniero, kiel ni aŭskultas, subtenas kaj servas.

Ĉi-jare, mi petas vin gvidi kun ĉi tiu spirito. Por kreskigi Rotarion per rilatoj. Por fari viajn klubojn pli akceptemaj, flekseblaj kaj malfermitaj al novaj ideoj. Por sonĝi grande kaj pensi preter unu jaro. Nia mandato estas mallonga, sed nia efiko povas esti daŭra se ni planas kaj agas kun kontinueco kaj vizio.

Ni memoru niajn ĉefajn prioritatojn: membreco, polio kaj paco. Ni estas pli proksimaj ol iam ajn al la fino de polio. Ni ne povas halti nun. Ni devas plenumi la promeson, kiun ni faris al la infanoj de la mondo. Kaj pri paco, Rotario konstruas ĝin de pli ol jarcento. Ĉiu sistemo de trinkakvo, ĉiu Junulara Interŝanĝo kaj ĉiu projekto de patrina sano estas paŝo al paco.

Mi aliĝis al Rotario kiel juna profesiulo, fervora helpi, sed kun timo paroli publike. Miaj rotariaj kunuloj kredis je mi kaj kuraĝigis min alpreni novajn rolojn, kaj tiel, Rotario ŝanĝis mian vivon. Ĝi donis al mi kuraĝon kaj celon, sed, antaŭ ĉio, ĝi donis al mi vin: miaj amikoj, mia teamo, mia familio tra la mondo.

Do, miaj amikoj… Elprenu viajn sonĝojn el la tirkesto, precipe tiujn, kiujn vi pensis tro grandaj aŭ tro aŭdacaj por esti realigitaj, kaj ni elmontru ilin. Ni restu unuigitaj por fari bonon por niaj kluboj, por niaj komunumoj kaj por nia mondo. Ĉi-jare ni fokusu ne nur sur servoj, sed ankaŭ sur ĝojo, konekto kaj amo.

Kun amo kaj dankemo,
Francesco Arezzo
Prezidanto de Rotario Internacia, 2025-26.

NOVA PREZIDONTO por la rotaria jaro Julio de 2025 al Junio de 2.026: LADISLAU AFONSO

Karaj geamikoj:

Pli unu rotaria jaro finiĝas, sed la magio de Rotary daŭrigos!
Ekde la 1-a de julio, venontan mardon, la asociano Ladislau Afonso gvidos nian Rotary E-Klubon de Esperanto-Brazilo.

Ladislau naskiĝis en Divinolândia, urbo de San-Paŭlo, Brazilo, la 16-an de novembro 1962. Li studis arkitekturon en la prestiĝa Universitato de San-Paŭlo, en la urbo San-Karlo, kie li diplomiĝis en 1989 kaj magistriĝis en 1993. Dum pli ol 25 jaroj, ekde 1995 ĝis 2021, li laboris kiel arkitekto kaj profesoro pri arkitekturo kaj urbanismo ĉe la Katolika Universitato en Poços de Caldas, Minas-Ĝerajso.

En 1987, Ladislau lernis Esperanton kaj ekaktivis en la Esperanto-movado. Li instruis Esperanton, kaj en universitato kaj ekster ĝi, dum multaj jaroj. Nun li kunlaboras kun nia asocianino Cacilda Perez en baza kurso de Esperanto en Poços de Caldas. Krome, en la sama urbo, kie li loĝas, li instruas Esperanton, pentrarton, lernas muzikon (piano), partoprenas en ĥoro, kaj okupiĝas pri tradukado de gravaj spiritismaj verkoj.

Ladislau jam prezidis nian Rotarian Klubon en la pasinteco. Nun, kun pli da sperto, li gvidos nin dum tiu ĉi nova rotaria jaro!

Klubestraro (11)

Direktoro/Ĝenerala Sekretario
João Otávio Veiga Rodrigues
Mandatoperiodo: 2025–2026

Prezidanto de la Komisiono pri Rotaria Fondaĵo
Wallace George Du Temple
Mandatoperiodo: 2025–2026

Kluba Lernofaciliganto
João Otávio Veiga Rodrigues
Mandatoperiodo: 2025–2026

Prezidanto de la Komisiono pri Evoluigo de Membreco
Emma Mathilde Breuninger
Mandatoperiodo: 2025–2026

Klubprezidanto*
Ladislau Afonso
Mandatoperiodo: 2025–2026

Prezidanto de la Komisiono pri Publika Bildo
Alberto Emerson Yamaguchi Werneck Dias
Mandatoperiodo: 2025–2026

Sekretario*
Vicente Paulo de Sales
Mandatoperiodo: 2025–2026

Prezidanto de la Komisiono pri Homamaj Projektoj
Wallace George Du Temple
Mandatoperiodo: 2025–2026

Kasisto*
João Otávio Veiga Rodrigues
Mandatoperiodo: 2025–2026

Vicprezidanto de la Klubo
João Otávio Veiga Rodrigues
Mandatoperiodo: 2025–2026

Kontakto pri Junularaj Programoj: Klubo
Alberto Emerson Yamaguchi Werneck Dias
Mandatoperiodo: 2025–2026

---

Francesco Arezzo, membro de la Rotaria Klubo en Ragusa, Italio, estis elektita de la estraro por servi kiel prezidanto de Rotary International dum la jaro 2025-26. Li ekoficos al la prezidanteco la 1-an de julio 2025.

La Prezidanto de Rotario Internacia invitas nin Unuiĝi por la Bono. Utiligante la forton de homa konekto por bonvenigi novajn membrojn, kunlabori pri projektoj, kaj pligrandigi nian tutmondan efikon, la membroj kreas pozitivan ŝanĝon en la mondo.

---

Distrikta Guberniestro vizitos nin!

Je la 7-a de julio, lundo, nia Rotary E-Klubo de Esperanto – Brazilo kun granda ĝojo kaj honoro akceptos la unuan oficialan viziton de la nova Distrikta Guberniestro, Sebastião Wagner Valim, por festi la komencon de lia rotaria jaro.
Por ni estas vera privilegio esti la unua klubo vizitata dum lia mandato. Ni pretas bonvenigi lin kun malfermitaj brakoj, partopreni en profunda kaj fruktodona interŝanĝo de ideoj, kaj plifortigi nian engaĝiĝon al la idealoj de servo, interkompreno kaj internacia amikeco – kernaj valoroj, kiuj perfekte kongruas kun la spirito de Esperanto.
Ni kore invitas ĉiujn rotarianojn kaj geamikojn aliĝi al ni en ĉi tiu grava kaj inspira momento de rekono kaj kunlaboro.

Vortoj de la prezidanto

Karaj samideanoj,

Ni alproksimiĝas al la fino de la Rotaria Jaro, portante kun ni la senton de plenumita agado kaj la esperon pri nova etapo. La temo de la venonta jaro — “Unuiĝintaj por fari la bonon” — invitas nin daŭrigi nian laboron kun kunordigo, entuziasmo kaj komuna celo.

Morgaŭa Kunveno: Decida Momento

Mi ĝojas rememorigi vin, ke morgaŭ, je la 17-a horo laŭ la horzono de Braziljo, ni kunvenos por nia administra kunveno. Temas pri grava okazo, en kiu ni finfine difinos la jaran kotizon por la nova Rotaria Jaro. Mi instigas vin ĉiujn partopreni aktive — via voĉo gravas por nia klubo!

Brila Agado en Tanzanio

Mi ankaŭ volas emfazi la rimarkindan agadon de nia kara samideano John Magessa, kiu ĵus partoprenis kunsidon ĉe la distrikta oficejo de Muleba, kun ĉiuj respondeculoj pri infanĝardenoj en la regiono. Li reprezentis la infanĝardenon Verda Lingvo kun sindonemo kaj elokventeco.

Liaj vortoj, emfazante la subtenon de Rotary al la afero, vekis grandan intereson kaj aprezo inter la ĉeestantoj. Li atentigis pri gravaj temoj kiel la sano, sekureco, nutrado kaj edukado de infanoj. La fakto, ke li reliefigis la talenton de la infanoj sub ilia zorgo, estis aparte emociiga. Gratulojn, John, vi estas vivanta pruvo de nia moto “Servo super si mem.”

---

Esperanto kaj Sporto: Unua Pokaleto de Futsalo

Ni ne povas ignori la grandiozan sukceson de la Unua Pokaleto Esperanto de Futsalo (salona piedpilko), okazinta en Poŭzalegro (Minas-ĝerajso – Brazilo) sub la kunorganizado de la Esperanta Ambasadejo kaj la Kvartala Asocio Colina Verde, kun la valora subteno de nia klubo. Pli ol 300 homoj ĉeestis la eventon, kiu estis vera festo de sporto, respekto kaj komunuma engaĝiĝo.

Ok teamoj, kun infanoj ĝis 12 jaroj, partoprenis en tiu ĉi sporta okazaĵo. La spirito dum la matĉoj estis senkomparebla: ĝojo, sportetiko kaj reciproka respekto. Nia klubo fiere donacis la t-ĉemizojn por la gajnintoj al la Esperanta Ambasadejo, montrante nian engaĝiĝon al iniciatoj, kiuj kunigas edukadon, sporton kaj nian internacian lingvon.

La organizantoj jam planas la duan eldonon de la Pokaleto, kun la celo establi ĝin kiel jarronda tradicio, kiu fortigas la ligojn inter infanoj, familioj kaj la idealo de solidareco.

Dankon pro via engaĝiĝo kaj partopreno en niaj agadoj. Restu kun ni en ĉi tiu vojo de servo, inspiro kaj ago — kune, ni vere povas fari la bonon.

Samideane,
João Otávio Veiga Rodrigues

Festas ĉimonate

CACILDA PERZ SOARES – 05/06

Okazis la 16-an kaj 17-an de majo la 56-a Distrikta Konferenco de Distrikto 4560 de Rotary International en la urbo Poços de Caldas.

Ĉi-kune ni sendas al vi tri fotojn, kiuj montras momenton de la malferma ceremonio: aperas nia amiko Vicente Sales, kiu venis el Belo Horizonte (ĉefurbo de la ŝtato Minas-Ĝerajso) por partopreni la konferencon. En alia foto nia amiko Vicente eniras la salonon portante la flagon de nia Rotaria Klubo dum la Ceremonio de la Flagoj.

Nia amiko Ladislau, elektita prezidanto de nia Rotaria Klubo, ankaŭ partoprenis la duan Plenan Kunvenon, sed devis foriri pli frue.

Ni elkore dankas al Ladislau kaj Vicente pro ilia honora ĉeesto en nia Distrikta Konferenco, sub la temo “La Magio de la Paco en la Servado”!

Kore,

João Otávio Veiga Rodrigues
Prezidanto de Rotaria E-Klubo de Esperanto – Brasil