Por Wally du Temple

Ĉi tiu proceduro celas establi gvidliniojn kaj procedurojn por la efika kaj kohera administrado de donacoj de Rotaria Klubo Esperanto-Brazilo al projektoj kaj neprofitcelaj organizaĵoj kaj registritaj bonfaraj organizaĵoj por la profito de homoj kaj organizaĵoj bezonantaj subtenon en areoj nomumitaj kiel ĉefaj celoj de Rotario Internacia.

FONTO DE FINANCOJ

Financo uzata por projektoj devenas de donacoj de individuaj asocianoj aŭ monkolektaj programoj faritaj de Rotaria Klubo Esperanto-Brazilo kaj donacoj, kiujn la klubo ricevas.

Notu ke ĉar la membroj de Rotaria Klubo Esperanto-Brazilo estas distribuataj en multaj landoj estas tre malfacile organizi tradiciajn monkolektajn eventojn kiel kazinajn vesperojn, balojn, koncertojn. Tial, financaj kolektoj kaj subtenoj plej ofte estos limigitaj.
La precipa fonto de financoj por grandaj projektoj nepre estu la distriktaj subvencioj kaj mondaj subvencioj de la rotaria fondaĵo.

FINANCAJ INTERESOJ

Rotary Klubo Esperanto-Brazilo preferas premii donacpetojn, kiuj fokusiĝas al la ĉefaj celoj de Rotario Internacia. Prefero estas doni al tiuj programoj kaj servoj, kiuj profitigas multajn homojn anstataŭ unuopan profitanton.

Rotaria Klubo Esperanto-Brazilo preferas premii donacpetojn por “fiksakapitalo” por projektoj (ekz. ekipaĵo, mebloj, komputilaj provizoj, ktp.) anstataŭ funkcia financado por organizaĵo. Alia prefero estas subteni internaciajn helpsocietojn, kiuj estas registritaj bonfaraj organizaĵoj kiel ShelterBox, Ruĝa Kruco, kaj la Poliomjelita kampanjo de RI. Ĉiu projekto estas konsiderata individue.

KVALITECOJ

Rotaria Klubo Esperanto-Brazilo faras donacojn al neprofitcelaj organizaĵoj, bonfaraj organizaĵoj aŭ agentejoj, kontraste al individuoj. La projekto de la ento (organizo ktp.), por kiu ĝi petas financan subtenon, devas jam esti bone progresinta en la monkolektado kaj konstruita kun perspektivo fariĝi daŭrigebla por konsidero fare de Rotaria Klubo Esperanto-Brazilo.

JARAJ kaj PLURJARAJ DONACOJ

Rotaria Klubo Esperanto-Brazilo preferas fari donacojn ĉiujare anstataŭ fari plurjarajn engaĝiĝojn.

A/Projektaj Aplikoj

1/Unua Speco/Pri Karitataj Organizoj

Financa Kampanjo por subteni establitajn karitatajn asociojn.

a/ Sufiĉas ke unu asociano petas la Komisionon Pri Projektoj(KPP) subteni novan kampanjon por finance helpi karitatan asocion; ekzemple ‘ShelterBox’, ‘Ruĝa Kruco’, ‘Polio Plus’. Se aprobita de la KPP la estraro aprobas aŭ malaprobas ĝin.

Projekta Nomo: (Mallonga nomo kiu identigas la projekton)

Dato kiam la peto okazis:

Tempolimo por la projekto se estas: Se ne estas notu ke ĝi estas ‘daŭra’

2/ Dua Speco/Pri Petoj por malpli ol $3000

La petanto devas esti oficiala reprezentanto de organizita klubo aŭ organizo jam funcianta kiu subtenas la daŭripovon de projekto kiu agordas kun la celoj de RI.

3/ Tria Speco/Pri Petoj por pli ol $3000

La petanto devas havi establitan funkciantan organizon kiun tiu repezentas kaj alian partneran enton (alia rotaria kubo plej proksima al la projekto aŭ ne rotaria organizo) antaŭ ol fari aplikon al Rotaria Klubo Esperanto-Brazilo se la petita mono sumiĝas je pli ol $3000.00. La estraro de Rotaria Klubo Esperanto-Brazilo laŭ sia decido povas ankaŭ postuli kompletigon de ‘distrikta’ aŭ ‘Internacia Stipendia apliko’.

Projekta Nomo: (Mallonga nomo kiu identigas la projekton kaj klarigas kiel la projekto harmonias kun la humanitaraj celoj de RI.

——————————————————————————————————————————

NOTU: Se la petita mono sumiĝas je pli ol $3000.00 respondu al la subaj demandoj, kaj se ne, iru al la sekva parto #3

Se via projekta partnero estas enlanda rotaria klubo: Nomo, loko kaj kontaktadresoj de la enlanda rotaria partnero? _____________________________________________________________________________________________________________________________________________________________________________________________________________________________________________________________

Se via projekta partnero estas ne rotaria organizo: Nomo,loko kaj kontaktadresoj?_____________________________________________________________________________________________________________________________________________________________

3/ Projekta klarigo/Donu la jenajn detalojn. (Se via projekto estas de kategorio Unua Speco/Pri Karitataj Organizoj ne necesas plenigi jenan parton. Se via projekto rilatas al la Dua Speco aŭ Tria Speco necesas kompletigi sekcion #3.

a/Projekta Loko: (Urbo, Vilaĝo, Ŝtato/Provinco, Lando)

b/Projekta Priskribo: (Priskribu la projekton kaj la problemon aŭ bezonon, kiun ĝi traktos, inkluzive de la celitaj profitantoj kaj kiel la projekto profitigos la bezonantan komunumon)

c/Projekta Templinio (Komenca-kaj Findato): Priskribu kiel la profitanta komunumo daŭrigos ĉi tiun projekton post kiam la financado estos plene elspezita.

Kian rolon povas ludi rotarianoj por resti engaĝitaj kun ĉi tiu projekto (krom monkolektado):

Noto: La Rotaria Klubo Esperanto-Brazilo rajtos diskonigi la subtenon de la klubo por la projekto per presitaj, ciferecaj kaj aliaj formoj de amaskomunikiloj.

d/Petata financado:

Bonvolu provizi detalan analizon de la peto. Se plia spaco estas bezonata, bonvolu uzi apartan folion kaj alkroĉi ĝin.

Notu, ke la kvanto de la petitaj financoj ne estas la difinitiva engaĝiĝo de la klubo al la projekto, sed prefere la plej bona klopodo por atingi la financan celon. Se ne eblas por la nia klubo kolekti la bezonatan sumon necesas trovi aliajn rimedojn por plenigi la mankantan sumon antaŭ ol nia klubkolektita sumo rajtas esti pagita.

Ĉiuj financoj kolektitaj super la celo estos laŭ la bontrovo de la estraro uzontaj por aliaj servaj projektoj.  Priskribo: Kostaj Detaloj:Totala Kosto: $ 4.

PRI PROJEKTA FINANCADO

1. Buĝeto: Sur aparta folio bonvolu provizi detalan analizon de la buĝeto por ĉi tiu projekto. Ĉiuj kolektitaj financoj minus ĉiuj elspezoj formos la totalan sumon, kiun la klubo donacos al la projekto. La buĝeto devas povi pruvi, ke ĝi atingos ekvilibron, ĉar la nia klubo ne absorbos iujn ajn perdojn.

Deklaro: Laŭ mia scio kaj kredo, krom kiel malkaŝite ĉi tie, nek mi nek iu ajn persono, kun kiu mi havas aŭ havis personan aŭ komercan rilaton, estas engaĝita, aŭ intencas partopreni, en profitado de kluba financado kiu povus reprezenti eblan konkurantan aŭ konfliktan intereson. (Forta apogo por la celoj de la bonfara projekto ne reprezentas iun ajn konfliktan intereson.)

Ĉefa Sponsoro __________________________________

Vortoj de la Prezidanto

Nia klubo kunvenas kun rimarkinda efikeco kaj sincera intereso, kio jam ebligas la sponsoradon de tre gravaj projektoj por la distrikto kaj por la mondo. Tiu konstanta engaĝiĝo de la membroj pruvas, ke nia kolektiva laboro produktas konkretajn rezultojn kaj daŭran valoron, eĉ se ni ankoraŭ ne sukcesis okazigi kunsidon kun 100% de la klubanoj. Ni restas tamen optimisme engaĝitaj por plibonigi nian ĉeeston kaj plifortigi nian kunlaboron.

Ni deziras ke VI ĈIUJ sentu vin tute bonvenaj ne nur por proponi novajn projektojn, kiuj kreos daŭran efikon, sed ankaŭ, kompreneble, por esprimi vin sen ia limigo, se vi volas kritiki iun ajn aspekton de la nuna administrado. Ĉiu opinio, eĉ kritika, kaj ĉiu ankoraŭ nevidita ideo estas valora por nia kresko kaj por la travidebleco de nia administrado.

Estas evidente, ke la klubo bezonas financan subtenon por funkcii, sed ni sincere esperas, ke monaj malfacilaĵoj ne malhelpos iun el vi diskuti eblajn provizorajn interkonsentojn kun ni. Antaŭ ĉio, nia plej granda deziro estas certigi la partoprenon de VI ĈIUJ en niaj kunvenoj!: )

Emerson Werneck
Prezidanto de Rotary E-Klubo Esperanto Brazilo
Septembro 2026

---

---

Festa ĉimonate

Ulisses Riedel Resende – 19/10
David Arnold Yaki – 26/10
Sherry Wells – 21/10

Teksto de Andy Blair

La Celo de Rotario (kvar servo-vojoj)

1. Disvolvi personajn ligojn kiel ŝancon servi
2. Manteni altajn etikajn normojn en entreprenoj kaj profesioj
3. Apliki la idealon de servo al persona, komerca kaj komunuma vivo
4. Antaŭenigi tutmondan pacon kaj komprenon per tutmonda kunuleco

Sep Fokusaj Temoj de Rotario (Tutmondaj Celoj)

• Antaŭenigo de paco kaj solvado de konfliktoj;
• Batalado kontraŭ malsanoj, inkluzive de la tutmonda ekstermado de poliomjelito;
• Provizado de pura akvo, sanitaraĵoj kaj higieno;
• Savi patrinojn kaj infanojn plibonigante aliron al san-servicon;
• Subtenado de edukado kaj pliigo de loka legopovo;
• Kreskado de lokaj ekonomioj kaj komunuma disvolviĝo;
• Protektado de la medio por konstrui rezistemajn ekosistemojn.

Kial Esperanto kongruas kun ĉi tiuj Objektoj kaj Celoj

Servo-vojoj 1 kaj 4: Disvolvi personajn ligojn kaj Antaŭenigi tutmondan pacon kaj komprenon. Ne estas por nenio, ke oni ofte nomas Esperanton “la lingvo de paco”. Esperanto estis eksplicite kreita por esti neŭtrala dua lingvo: neniu nacio posedas ĝin, neniu etno estas denaska al ĝi, ĝi venas sen armeo aŭ ekonomio deviganta ĝin, kaj ĝi ne portas kolonian bagaĝon. Tio igas ĝin preskaŭ perfekta ilo por “disvolvi personajn ligojn kiel ŝancon servi”, ĉar du parolantoj de Esperanto renkontiĝas sur vere ebena lingva bazo anstataŭ ol unu akomodante la gepatran lingvon de la alia. Tio rekte servas “antaŭenigi tutmondan pacon kaj komprenon per tutmonda kunuleco.” Komuna neŭtrala lingvo ne nur reduktas internaciajn lingvajn miskomprenojn, sed ankaŭ reduktas la lingvan potencan malsimetrion, kiu tiel ofte malhelpas interkulturan interŝanĝon …ĝuste la speco de praktika pac-konstrua ilo, kiun la fondintoj de Rotario antaŭvidis, kiam ili skribis “mondan kunulecon” en la Celon mem.

Antaŭenigante pacon kaj solvante konfliktojn. D-ro. Zamenhof konstruis Esperanton en la 19-a-jarcenta Bjalistoko eksplicite por redukti la etnan kaj lingvan streĉitecon, kiun li vidis ĉirkaŭ si. Lingvo desegnita de sia fundamento kiel instrumento de reciproka kompreno anstataŭ domineco estas nature taŭga por ĉi tiu Tutmonda Celo: ĝi malaltigas la baron al dialogo inter homoj, kiuj alie negocus per lingvo, kiu privilegias unu flankon. Grave estas, ke la uzado de Esperanto ankaŭ donas al parolantoj unikan internacian perspektivon, kiu emas leviĝi super naciismo: senton de tutmonda civitaneco kaj humanismo, pli grandan ol tribalismon. Tio multe plifortigas pacon en la mondo.

Subtenante edukadon kaj pliigante lokan legopovon. La regula gramatiko de Esperanto igas ĝin evidente pli rapide lernebla ol naciaj lingvoj, laŭ sperto, inter 5 kaj 10 fojojn pli rapide por la averaĝa studento. Esploradoj pri la “propedeŭtika efiko” sugestas, ke ĝia unua studado povas akceli postan lingvolernadon. Instruado de Esperanto (precipe, trejnado de lokaj instruistoj anstataŭ importi fremdajn) konstruas daŭran legopovon kaj pedagogian kapablon ene de komunumo, kio estas ĝuste la spirito “plifortigi la kapablon de komunumoj” malantaŭ ĉi tiu Celo.

Kreskigante lokajn ekonomiojn kaj komunuman disvolviĝon. Neŭtrala internacia lingvo malaltigas transakciajn kostojn por translima komerco, turismo kaj profesia interŝanĝo, precipe por komunumoj, kiuj ne volas defaŭlte uzi iaman kolonian lingvon. Trejni instruistojn estas ankaŭ laborforta disvolviĝo: ĝi kreas profesian kapablon (instruadon) kiu generas enspezon kaj reputacion en la komunumo, perfekte konvenante al ĉi tiu Celo.

Servo-vojoj 2 kaj 3. Trejnado kaj atestado de lokaj E-instruistoj honorigas instruadon kiel profesion, subtenante altajn etikajn normojn pri kiel la profesio estas instruata kaj praktikata, kaj donas al rotarianoj kaj la instruistoj mem konkretan, daŭran manieron apliki “la idealon de servo” en siaj komunumoj, ne unufojan donacon, sed daŭran profesian rilaton.

Resumante: Esperanto ne estas hobia kuriozaĵo. Ĝi estas infrastrukturo por la sama speco de neŭtrala, digno-konservanta homa konekto ĉirkaŭ kiu kaj la Celo de Rotario kaj ĝiaj edukaj/pacaj Fokusaj Temoj estas bazitaj.

La Kvar-Voja Testo: Esperanto kaj EO-instruado projekto en Tanzanio

“Pri la aferoj, kiujn ni pensas, diras aŭ faras: (1) Ĉu ĝi estas la VERO? (2) Ĉu ĝi estas JUSTA por ĉiuj koncernatoj? (3) Ĉu ĝi konstruos BONVOLON kaj PLI BONAJN AMIKECOJN? (4) Ĉu ĝi estos PROFITA ​​por ĉiuj koncernatoj?”
Projekta propono: grupo da tanzaniaj volontuloj, kuniĝantaj por iĝi atestitaj instruistoj, por ke ili povu instrui Esperanton en siaj propraj komunumoj per subteno de Rotario, kun gvidado de lokaj tanzanianoj. Aplikante la Kvar-Vojan Teston, la projekto ne simple trapasas la teston, ĝi estas ora ekzemplo de la normo …kaj Esperanto mem ofertas ion maloftan ĉe ĉiu paŝo. 

1. Ĉu ĝi estas la vero? Ĉar la projekto estas tanzanie iniciatita kaj gvidata, ne ekzistas eksterlanda peranto por moligi aŭ misprezenti la prezenton. Kaj sub ĝi estas malfacila vero, kiun indas klare deklari: ekde la kreo de Esperanto en 1887, la mondo vidis lingvan koloniismon malplenigi siajn indiĝenajn lingvojn je alarma rapideco. Subsahara Afriko sole estas hejmo al pli ol 2 000 lingvoj, preskaŭ 30 procentoj de la lingvoj de la mondo; tamen preskaŭ duono de ĉiuj lingvoj tutmonde nun estas endanĝerigitaj, kaj UNESKO registras ĉirkaŭ 2,500 endanĝerigitajn lingvojn tutmonde, kun preskaŭ 428 minacataj en Afriko sole. Ĉi tio ne okazis hazarde: eŭropaj koloniaj potencoj antaŭenigis nur siajn proprajn lingvojn en administrado, edukado kaj amaskomunikiloj, konstruante daŭran hierarkion de prestiĝo, kiu ankoraŭ hodiaŭ flankenmetas lokajn lingvojn. Vera projekto ne evitas tion: ĝi nomas Esperanton laŭ tio, kio ĝi povas esti: ne rivalo al iu ajn loka lingvo, sed bastiono kontraŭ la sama invadanta domineco, kiu jam tiom multe forviŝis, ĝuste ĉar ĝi estas nenies gepatra lingvo kaj riĉigas neniun kolonian hierarkion. La uzo de Esperanto protektas kontraŭ la detruo de imperiismaj lingvoj, protektante pli malgrandajn kaj indiĝenajn lingvojn.
   
2. Ĉu ĝi estas justa por ĉiuj koncernatoj? Justeco estas enkonstruita en la strukturon: Rotary financas kaj subtenas, tanzaniaj edukistoj gvidas kaj decidas, kaj la trejnado estas aldona, ne anstataŭas nacilingvan aŭ anglan/svahilan instruadon. Sed Esperanto aldonas pli profundan justecon, kiun malmultaj lingvoj povas oferti: kiam du homoj parolas ĝin, nek unu nek la alia estas malavantaĝita de la gepatra lingvo de la alia, kiu havas pli tutmondan pezon. Tanzania instruisto parolanta Esperanton kun eŭropa, azia aŭ usona rotariano staras sur vere egala lingva bazo: neniu streĉas sin por funkcii en la gepatra lingvo de iu alia, dum la alia malstreĉiĝas en la sia. Tio estas justeco rekte enmetita en la komunikilon de la interŝanĝo mem, ne nur en la paperlaboron de la projekto.
   
3. Ĉu ĝi konstruos bonvolon kaj pli bonajn amikecojn? Ĉi tie verŝajne estas kie Esperanto ne havas egalulon. La tutmonda esperanto-parolanta komunumo estas fama pro produktado de intensaj, rapide formiĝantaj amikecoj trans nacioj, ĝuste ĉar la lingvo mem forigas la kutiman malfacilaĵon de interkultura kontakto. Jardekoj da kongresoj, korespondadaj retoj kaj interŝanĝoj montras, ke esperanto-parolantoj rutine gastigas kaj estas gastigataj de fremduloj el aliaj kontinentoj nur pro la forto de la komuna lingvo. Ĉiu tanzania instruisto trejnita sub ĉi tiu projekto ne nur akiras instruistan akreditaĵon, ili akiras pasporton en tiun tutmondan kunulecon, kaj ĉiu studento, kiun ili instruas, heredas la saman aliron. Malmultaj kapabloj rekte donas tiel daŭran transliman amikecon kaj konektojn.
   
4. Ĉu ĝi estos utila por ĉiuj koncernatoj? Instruistoj akiras akreditaĵon kaj enspezon; studentoj akiras legopovon kaj kognajn avantaĝojn; la loka Rotaria klubo akiras videblan, daŭrigeblan projekton. Sed la pligrandiĝanta avantaĝo estas la daŭripovo de la ligiloj de Esperantujo: Rilatoj kiuj daŭras trans spaco, lingvo kaj kulturo laŭ maniero kiel malmultaj aliaj retoj faras, ĉar ili estis konstruitaj sur vere egala bazo anstataŭ ke unu partio akomodu alian. Tiuj rilatoj fariĝas kanaloj por estonta kunlaboro: gastigado, korespondado, profesia kaj kultura interŝanĝo kiu povas longe postvivi la komencan stipendion. Kaj ĉiu nova tanzania parolanto estas ankaŭ, laŭ malgranda sed reala maniero, ŝirmilo kontraŭ la lingva homogenigo kiu jam kostis al la mondo tiom multe da ĝia diverseco.

Principe, la Tanzania projekto trapasas la Kvar-Vojan Teston facile. La projekto plenumas la Kvar-Vojan Teston ĉar ĝi estas tanzanie posedata kaj volontul-gvidata. Krome, Esperanto plibonigas ĉiun parton de tiu kongruo: ĝia vero estas vera respondo al dokumentita krizo de lingva koloniismo, ĝia justeco estas struktura al la lingvo mem, ĝia bonvolo estas la signatura trajto de Esperantujo, kaj ĝia profito kombiniĝas per rilatoj konstruitaj por daŭri. Tiu sama dezajno estas ĝuste tio, kio igas ĝin resonanci kun la Celo de Rotario (persona konekto, altaj normoj, aplikata servo kaj tutmonda kunuleco) kaj kun la Tutmondaj Celoj de paco, edukado kaj legopovo, kaj komunuma ekonomia disvolviĝo. Projekto konstruita tiel kaj trapasas la Kvar-Vojan Teston kaj antaŭenigas la mision de Rotario samtempe.

Vortoj de la Prezidanto

Karaj rotariaj amikoj,

Ni ĉiuj scias, ke paroli pri kotizoj estas kiel paroli pri la kosto de benzino dum vojaĝo: neniu ŝatas, sed sen ĝi la aŭto ne moviĝas. Tamen, kiam mi vidas vian ĝustatempecon en la pago de la jara kotizo, mi preskaŭ volas kanti la himnon de ĝojo. Dankon! Vi pruvis, ke rotarianoj ne nur kreas servoprojektojn, sed ankaŭ scias premi la butonon “pagi” sen tremo.

Estu trankvilaj: via mono ne iros por aĉeti orajn seĝojn por la guberniestro, nek por kafo senfina por la distrikta teamo. Ne. Ĉiu centavo estos transformita en tion, kion nia prezidanto Olayinka petis de ni: daŭra efikeco. Via kotizo estas la cemento de nia heredaĵo.

Do, ankoraŭfoje, koran dankon. Danke al vi, nia Distrikto 4560 ne nur faros multe da bruo, sed lasos spuron. Kaj se la efiko estos daŭra, estu certa: ankaŭ nia dankemo estos daŭra!

Emerson Werneck
Prezidanto de Rotary E-Klubo Esperanto Brazilo
Septembro 2026

---

Memorando pri Kunlaboro kaj Amikeco

Rotary E-Klubo Esperanto Brazilo kaj Esperanta Ambasadejo havas jam de jaroj proksiman rilaton, bazitan sur amikeco, reciproka fido, kunlaboro kaj komunaj idealoj.

Dum tiu periodo, la du institucioj kunlaboris kaj subtenis iniciatojn favore al Esperanto kaj al la komunumo. Inter la ekzemploj troviĝas la Esperanta Pokaleto, sporta kaj kultura evento por integriĝo kaj disvastigo de Esperanto, kaj la Dokumentfilmo pri la 25 Jaroj de la Esperantista Movado en Poŭzalegro, kiu kontribuas al la konservado de la historio de la loka kaj regiona Esperanto-movado.

Por rekoni kaj plifortigi tiun jam ekzistantan kunlaboron, la Esperanta Ambasadejo proponis la subskribon de Memorando pri Kunlaboro kaj Amikeco inter la du institucioj.

La Memorando celas stimuli novajn komunajn projektojn kaj eventojn, reciprokan diskonigon de agadoj, kunlaboron en sociaj retoj kaj ciferecaj medioj, kaj pli proksiman rilaton inter la membroj kaj kunlaborantoj de ambaŭ organizaĵoj.

Pli ol la komenco de nova partnereco, la Memorando estos la oficiala rekono de amikeco kaj kunlaboro jam konstruitaj per konkretaj agoj. Ĝi ankaŭ reprezentas komunan engaĝiĝon daŭre labori por paco, internacia interkompreniĝo, Esperanto kaj servo al la komunumo.

“La amikeco estas la bazo de kunlaboro, kaj la kunlaboro estas la vojo al grandaj atingoj.”

---

Festa ĉimonate

Alessandro PERNA – 08/09
Jerzej HANDZLIK Georgo – 27/09
Leif NORDENSTORM – 26/09
Ursula SANKUHLER GRATTAPAGLIA – 27/09

Davido kaj Ŝeri renkontis la novan RI Prezidento!

Informoj senditaj de Ŝeri:

– Dum la lasta semajnfino ni partoprenis la Usonan Nacian Esperantan Konferencon. Fernando Maia, la nuna prezidanto de UEA kaj brazila esperantisto, ankaŭ ĉeestis. Li rakontis al la tuta grupo, kiel li eksciis pri Esperanto – pere de Ursula kaj Bona Espero. Kompreneble Davido kaj mi prelegis pri Rotario, kaj eble li aliĝos! Ursula jam invitis ilin.

---

Nia semajna renkontiĝo:

Vortoj de la Prezidanto

Akceptante la honoran mision, prezidi la E-Klubon de Esperanto Brazilo dum la Rotaria jaro 2026–2027, mi esprimas mian plej profundan dankemon al la estraro, al la klubanoj kaj al ĉiuj samideanoj, kiuj kun sindediĉo, kompetenteco kaj servemo gvidis la laborojn dum la Rotaria jaro 2025–2026. La engaĝiĝo montrita de tiu ĉi teamo ebligis la plifortigon de nia klubo, firmigante ĝiajn iniciatojn, antaŭenigante la rotarian idealon kaj reafirmante Esperanton kiel rimedon por amikeco, internacia interkompreniĝo kaj konstruado de paco.

Mi same esprimas miajn sincerajn dankojn al la samideanoj, kiuj akceptis aliĝi al la nova gvida teamo por la periodo 2026–2027. Mi certas, ke ĉiu el ili plenumos siajn respondecojn kun duobligita sindediĉo, kunlabora spirito kaj alta sento de respondeco al la valoroj de Rotary. La daŭrigo de niaj agadoj baziĝos sur la heredaĵo, kiun ni ricevis, konservante la bonajn praktikojn, kiuj karakterizis la antaŭajn administradojn, kaj honorante la historion konstruitan de ĉiuj, kiuj antaŭiris nin.

Samtempe, nia engaĝiĝo estos rigardi al la estonteco kun respondeco kaj strategia vizio. Inspirite de la gvidlinioj de la nova Monda Prezidanto de Rotario Internacia, ni strebos akcepti novajn manierojn administri projektojn, plifortigi la estradon de la klubo kaj enkonduki novigajn metodojn, kiuj antaŭenigos pli grandan efikecon, la partoprenon de la klubanoj, travideblecon kaj pli vastan efikon de niaj agadoj. Novigado ne signifas rompon kun la pasinteco, sed la naturan evoluon de institucio, kiu restas fidela al siaj principoj dum ĝi adaptiĝas al la defioj de la nuntempa mondo.

Mi invitas ĉiujn klubanojn, unuiĝi en ĉi tiu nova ciklo, plifortigante la spiriton de kunuleco, reciprokan respekton kaj la konstantan pretecon servi. Ke ni laboru kun entuziasmo, kreemo kaj respondeco, transformante defiojn en ŝancojn kaj firmigante la E-Klubon de Esperanto Brazilo kiel referencon de elstareco, novigado kaj humanitara servo en la rotaria mondo. Mi dankas pro la fido al nia teamo kaj renovigas mian promeson plenumi ĉi tiun prezidantecon kun sindediĉo, etiko, humileco kaj spirito de kunlaboro.

Emerson Werneck
Prezidanto de Rotary E-Klubo Esperanto Brazilo
Julio 2026

---

Adiaŭaj vortoj de la prezidinto

Karaj geamikoj de nia Rotary E-Klubo,

Okaze de la fino de la rotaria jaro 2025–2026, mi deziras esprimi mian plej sinceran dankemon al ĉiuj direktoroj de nia Rotary E-klubo pro ilia sindona laboro, respondeco kaj konstanta dediĉo.

Dum ĉi tiu jaro, ĉiu el vi kontribuis laŭ siaj talentoj kaj ebloj por plifortigi nian klubon, antaŭenigi niajn idealojn kaj realigi valorajn projektojn. Via kunlaboro montris, ke kiam ni laboras unuece kaj kun servospirito, ni povas fari multon por la bono de aliaj.

Ĉe la fino de ĉi tiu rotaria jaro, mia koro pleniĝas de profunda dankemo. Estis periodo de laboro, kunlaboro, amikeco kaj servo. Neniu el la atingoj estus ebla sen la sindediĉo de ĉiu el vi.

Mi elkore dankas ĉiujn niajn membrojn pro ilia partopreno, subteno kaj konstanta deziro servi al la bono.

Specialan dankon mi esprimas al Ursula, kiu ĉiam tenas viva la flamon de nia klubo. Per sia entuziasmo, forto kaj kuraĝo ŝi estas inspira ekzemplo por ni ĉiuj kaj memorigas nin, ke la servo naskiĝas el la koro.

Mian sinceran dankon ankaŭ al João Otávio, vera kolono de nia klubo. Lia fidindeco kaj senĉesa helpemo estas fundamentaj por la bona funkciado de niaj agadoj.

Mi dankas ankaŭ Vicente, nian efikan kaj zorgeman sekretarion, kies organizemo kaj respondeco multe kontribuas al la sukceso de nia laboro.

Sed mia dankemo etendiĝas al ĉiuj, kiuj, videble aŭ malvideble, donacis sian tempon, talentojn kaj energion por ke nia klubo kresku kaj plenumu sian mision.

Mi esperas, ke ni daŭre povos subteni la infanojn de Verda Lingvo-Lernejo kaj, kune, vastigi nian agadon al aliaj institucioj kaj projektoj, portante esperon, edukadon kaj fratecon al ĉiam pli da homoj.

Mi deziras al ĉiuj sanon, pacon kaj inspiron por la venonta rotaria jaro. Ni daŭrigu kun la sama idealo de “Servo super Memo”, konstruante mondon pli justan, pli fratan kaj pli esperplenan.

Mi aparte volas danki John, Wallace, Sherry, David, Vicente kaj Emma, kiuj kun granda sindediĉo oferis sian tempon, energion kaj sperton al nia grupeto kaj al niaj projektoj. Via laboro estis esenca por la sukceso de nia agado, kaj via ekzemplo inspiras nin ĉiujn.

Al ĉiuj direktoroj, mia profunda danko pro la amikeco, la kunlaboro kaj la servo dum ĉi tiu rotaria jaro. Mi deziras al vi kaj al la nova estraro multajn sukcesojn, inspiron kaj ĝojon en la daŭrigo de nia komuna misio: servi super ĉia propra intereso.

Kun sincera estimo kaj dankemo,

Elkore dankon al vi ĉiuj!

Ladislau Afonso

---

Festa ĉimonate

Julio CALEGARI – 25/07
Malgorzata KOMARNICKA – 05/07
Mulele MBASSA – 06/07

---

Vortoj de la Prezidanto

Ladislau AFONSO

Mesaĝo de la Prezidanto – Junio 2026

Karaj samideanoj de la Rotary-Klubo de Esperanto Brazilo,

Junio estas monato de transiro kaj renovigo en Rotary. Dum ni ankoraŭ laboras sub la inspira devizo “Unuiĝintaj por Fari Bonon”, ni samtempe prepariĝas por la nova etapo, kiu invitas nin “Krei Daŭran Efikon” en la vivoj de la homaro.

Mi ŝatus memorigi al ĉiuj simplan sed profundan veron: ni ĉiuj troviĝas en la sama boato. Ĉiu remanto estas grava. Kiam ni remas kune, kun harmonio, disciplino kaj frateco, nia vojaĝo fariĝas pli rapida, pli sekura kaj pli fruktodona.

La boato de Rotary navigas sur mildaj ondoj al havenoj de bonfarado, solidareco kaj espero. Sur ĝia vojo troviĝas multaj homoj en situacioj de vundebleco, kiuj atendas helpon, konsolon kaj ŝancon por pli bona estonteco. Ili atendas niajn manojn, niajn korojn kaj niajn agojn.

Tial mi invitas vin esti ne pasivaj observantoj, sed aktivaj servantoj de la bono. Ĉiu gesto de amo, ĉiu horo dediĉita al servo, ĉiu projekto realigita por la komunumo estas rembato, kiu antaŭenigas nian komunan boaton.

Profitu la eblecon fari bonon dum vi havas sanon, forton kaj energion. Ne atendu la momenton, kiam la korpo laciĝos aŭ kiam la boato de la tera vivo alproksimiĝos al sia fina haveno. Hodiaŭ estas la ĝusta tempo por servi. Hodiaŭ estas la ĝusta tempo por ami. Hodiaŭ estas la ĝusta tempo por fari diferencon.

Karaj kunuloj, ni daŭrigu nian vojaĝon kun kuraĝo kaj entuziasmo. Ni remu kune en ĉi tiu nobla entrepreno, kun la certeco, ke ĉiu bona ago semas esperon kaj konstruas daŭran efikon por la estontaj generacioj.

Dankon pro via sindediĉo, via amikeco kaj via servo.

Ni estu unuiĝintaj por fari bonon kaj krei daŭran efikon!

Frate,

Ladislau Afonso
Prezidanto de la Esperanto-Rotaria Klubo
Junio 2026

---

Liverado de atestilo

Pasintan dimanĉon Fabjo Silva, el Poŭzalegro, ricevis la atestilon pri honora membreco de Rotary. Dum la sama okazo, krom la atestilo, S-ro João Otávio ankaŭ transdonis al li la rotarian insignon.

---

Festa ĉimonate

CACILDA PERZ SOARES – 05/06