La temo de la prelego estas „Universalaj kongresoj, kiujn Zamenhof partoprenis”. Ĝi estis preparita por la 6-a Internacia Simpozio kaj 88-a AMO-seminario kadre de la Interkultura Julio-rendevuo.

James Rezende Piton estas patro de du adoleskantaj gefiloj kaj ankaŭ skoltestro, komputilisto, esperantisto, movada aktivulo, esperantiganto de libroj kaj kanzonoj. Kiel filatelisto ekspozicianta pri la temo lingvoj, li pristudas ankaŭ la fruan historion de Esperanto per tiamaj poŝtkartoj. Cetere li esploras poŝtaĵojn skribitajn en Esperanto, kiuj trairis poŝtan cenzuron dum militoj.