Vortoj de la Prezidanto

Kara(j) Rotarianoj kaj amikoj de Esperanto,

En ĉi tiu decembra tempo, markita de pripensado kaj espero, ni renovigas nian energion por agi kun frateco, paco kaj amikeco. La Klubo de Esperanto de Rotary restas spaco de sincera kunlaboro, kie la lingvo fariĝas ponto inter popoloj kaj valoroj.

Niaj projektoj montras, ke vera servo naskiĝas el dialogo kaj reciproka respekto. Per komuna agado ni kapablas plifortigi la internacian komprenon kaj kontribui al pli justa kaj paca mondo.

Ni fermas la jaron dankemaj kaj rigardas al la estonteco kun nova forto, preta renovigi nian energion por servi, unue kaj inspiri. Ke la spirito de Rotary kaj la idealo de Esperanto plu gvidu nin laŭ la vojo de solidareco kaj espero.

Kun frata saluto,
Prezidanto: Ladislau Afonso
Klubo de Esperanto de Rotary

---

Festas ĉimonate

João Otávio Veiga RODRIGUES – 03/12

Vanda Beatriz REIS VIEIRA RIEDEL RESENDE – 31/12

Saluton karaj samideanoj.

Kiel kutime dum la jarfino ni ĉiam okazigas la adiaŭan feston al niaj infanoj ĉe Verda Lingvo infanĝardeno. Ĉi foje 17 infanoj finas sian  studjaron. Do, por aplaŭdi ilin, ni festas kune kun ili kaj ĝojas.

Kunigante multajn gastojn dum la festo, krom aliaj celoj ni planas fari kampanjon por trovi iun kvanton de la mono por aĉeti la terenon por kultivi alkortaĵojn de ĉirkaŭ 1500usd.

Do, por ke ni bone okazigu la feston la buĝeto estas 600usd por 250 homoj.

Ni jam sukcesis trovi 250usd nur mankas 350usd.

La festo okazos post morgaŭ(vendredo la 28a de novembro 2025).

Ni kalkulas je via subteno al nia evento kaj agadoj.

Amike

John

Vortoj de la prezidanto

Karaj rotarianoj,

Novembro estas monato de pripenso kaj dankemo. Ĝi invitas nin halteti inter la ĉiutagaj agadoj por memori, kial ni kunvenas sub la idealo de servo. En la varma kunfrateco de nia Rotaria familio, ni trovas la forton por fari bonon senbrue kaj kun ĝojo.

La mondo hodiaŭ postulas de ni ne nur bonajn intencojn, sed ankaŭ klaran lingvon de interkompreno — tial Esperanto, nia ponto de paco, restas simbolo de la plej nobla rotaria spirito: “Servo super si mem.”

Kiam ni uzas Esperanton, ni parolas ne nur per vortoj, sed per la espero, ke la homaro povas unuigi sin per respekto kaj amo. Estu nia klubo ekzemplo de internacia amikeco kaj konscia agado, montrante ke etaj agoj, faritaj kun sincereco, havas grandan potencon.

Ni daŭrigu servi, inspiri kaj semadi pacon — hodiaŭ, morgaŭ, kaj ĉiam.

Kun frata saluto,
Ladislau Afonso
Prezidanto de la Rotaria Klubo de Esperanto
Novembro 2025

---

Partopreno de la Rotary E-Klubo Esperanto Brazilo ĉe la 17-a SUMIRE

La 17-a SUMIRE en Machado ricevis aktivan subtenon de la Rotary E-Klubo Esperanto Brazilo. Partoprenis la anoj João Otávio Veiga, Vicente Sales, Cacilda Perz kaj la kluba prezidanto Ladislau Afonso.
João Otávio prezentis klaran enkondukon pri Rotario, emfazante la rolojn de servado, etiko kaj internacia kunlaboro, kaj invitis la ĉeestantojn konatiĝi pli profunde kun la laboro de la E-Klubo. Nia prezidanto ankaŭ prelegis pri gravega temo kiu estis la maljuneco. La ĉeesto de la teamo fortigis la ponton inter la loka Esperantista komunumo kaj la rotaria reto de civitana servo.

Pliaj informoj pri la evento kaj la intervenoj troviĝas ĉe: https://linguainternacional.org/17-a-sumire-machado-2025/

---

Festas ĉimonate

Joseph Wampamba Nlandu – 12/11
Heather Heldzingen – 14/11
Ladislau Afonso – 16/11

Dum la Esperanta Kongreso de la Ŝtato San-Paŭlo, okazinta la lastan sabaton en São José dos Campos, João Otávio Veiga Rodrigues prezentis inspirantan prelegon pri la graveco de la movado kaj la rolo de la komunumo en ĝia kreskado.

Kune kun Umberto Canelada Campos, ili varme invitis la esperantistaron partopreni en nia klubo kaj esti parto de nia institucio, helpante fortigi la laboron por la disvastigo de Esperanto.

En la lasta foto aperas s-ino Francisca, patrino de Julio Callegari, kune kun João Otávio, dividante specialan momenton de amikeco kaj kunlaboro.

ESTU BONVENA AL NIA KLUBO

La Guberniestro de la Distrikto 4560 en la rotaria jaro 2016/2017, João Otávio, kune kun la Prezidanto Ladislau Afonso de la Rotaria E-Klubo Esperanto, kaj la Guberniestrino de la Distrikto 4560 por la rotaria jaro 2024/2025, Carmen Rodrigues de la Rotaria E-Klubo Emma Hildinger, vizitis la Rotarian Klubon de Divinolândia, en la Distrikto 4590.

La renkontiĝo celis serĉi partnerecon por efektivigi projekton favore al komunumo en Tanzanio, surbaze de la materialoj amplekse prezentitaj.

Dum la okazo, la Prezidanto Ladislau Afonso donacis al la Rotaria Klubo de Divinolândia pentraĵon, kiu estas lia propra verko, kiel gesto de amikeco kaj por fortigi la kunulecajn ligojn.

La evento estis markita de frateco, interligo kaj la planado de komunaj iniciatoj, kiuj plifortigas la spiriton de servo en Rotario.