Niaj anoj Jerzey Handzlik, ĵurnalisto kaj entreprenisto en Pollando kaj Malgorzata Komarnicka, prelegos al ni pri Pollando, nuntempe kun pli ol 2 milionoj da rifuĝintoj.

Karaj miaj amikoj,

Mi petas vian helpon. Ĉiutage venas al nia regiono kelkdek ukrainaj familioj kun infanoj. Ni ne volas resendi iun ajn. La skalo de la bezonoj kaj de la agadoj estas grandega. Ni subtenas la venantajn familiojn, helpante al ili trovi tranoktejojn, gastigejojn kaj memstarajn loĝejojn. Ni jam disdonis multegajn vestojn, manĝaĵojn, korpopurigaĵojn, meblojn, matracojn ktp.

Ĉar ĉiam pli novaj familioj alvenas sen ajna havaĵo kaj estas direktataj al ofte tute malplenaj aŭ nekomplete ekipitaj loĝejoj, ni URĜE bezonas praktike ĉion.

Ni donas helpon ne nur ene de la urbo, sed ankaŭ de la tuta distrikto, priservante la venintojn dislokatajn en diversaj lokoj de nia regiono.

Estas kreita loka HELPOFONDUSO. Ĉiuj arigitaj monrimedoj estas destinataj nur por helpo al rifuĝintoj el Ukrainio, ekskluzive por aĉeti nemalhaveblajn aĵojn, medikamentojn ktp.

Ni aliĝu al la kampanjo „NI KUNE POVAS PLI MULTE”!    

Mi ege petas vian helpon.

Kore.

Małgosia

Artikolo verkita en la angla lingvo aperas en la revuo de Rotary ĉimonate, la artikolo estas plenenhava kaj tio gravegas por la disvastigado de la internacia lingvo ĉe la anoj de Rotary Club.

De la 24-a ĝis la 27-a de oktobro, la prezidanto de Rotary E-Klubo de Esperanto Brazilo, S-ro Júlio Callegari, estis en la urbo Abidjan, Ebur-Bordo por instrui tchoukball-trejnadkurson. Dum ĉi tiu vojaĝo li havis la ŝancon renkontiĝi kun S-ro Abdoulaye Sanogo, DGN de ​​la Rotary Club Abidjan-Golf (distrikto 9101) kun kiu ili faris agadon de plantado de dek arboj, tiel antaŭenigante la interŝanĝon inter kluboj kaj la gvidliniojn de la programo “Konservu la Planedon” en nia distrikto 4560. La sekvan tagon, kune kun S-ro Sanogo, ili renkontiĝis kun la Ĝenerala Direktoro de la Nacia Instituto pri Sporto kaj Junularo, S-ro Habib Sanogo, kiu ankaŭ estas ano de Rotary, “IPP” de la Rotaria Klubo Abidjan Atlantido. Kune ili diskutis pri partnerecaj projekto-eblecoj por organizi eventojn kaj agadojn por la disvolviĝo de Tchoukball (la sporto de paco) en Ebur-Bordo kaj estontaj partnerecoj kaj vizitoj inter klubanoj.

Portugalingva artikolo:
https://www.rotary4560.org.br/portal/wp-content/uploads/2021/11/iRD_05_2021-22A-1.pdf

Saluton, estimataj rotarianaj gesamideanoj,

Ĝis la 31-a de oktobro ni ricevos mondonacon cele aĉetadon de panetonoj disdonotaj al la bonfaranta instituto nomata Asocio por Protektado kaj Asistado al la Handikapuloj (portugale APAE – Associação de Proteção e Assistência aos Excepcionais), en la brazila urbo Poços de Caldas. Ĝi prizorgas ĉirkaŭ 700 infanojn kun psika handikapo. La panetona unuopa prezo estas, brazilmone, R$ 15,90. Oni ilin vendas duope po R$ 190,80.

En nia kunsido okazinta en la 17-a de Oktobro, estis decidite peti de la asocianoj monhelpon por akiro de panetonaj skatoloj, disdonotaj al APAE, okaze de la Kristnaska festo, por ke ili estu donacitaj al ĝiaj infanoj.

Tiel, ni helpos la infanojn, la Distrikton kaj 50% de la aĉetaĵoj revenos al nia klubo por niaj projektoj.

Ni dankas vian donacon.

____

Profitu por koni nian Kluban Domon:
https://rotaryclubdeesperantobrasil.org/
____

#rotary #rotaryclub #rotario #rotariaklubo #esperanto #rotaryesperantobrazilo #klubo #klubodomo #lingvo #amikaro #rade #esperantorotario #internacia #internaciaklubo #laboro #socialaboro #mondohelpo #facebook #vizaĝlibro #panetone #panetono #socio #social #urbodomo