Dum tri tagoj, de la 12-a ĝis a 15-a de Majo, la rotarianoj el du brazilaj Distriktoj – la D4560 kaj la D4590 – kunvenis en la urbo Águas de Lindóia, San-Paŭla subŝtato. La scenejo estis la ĉambraroj de la luksa hotelo “Reala Monto”, kie okazis tre interesaj konferencoj, kiel la prelego de brazila astronaŭto, D-ro Marcos Pontes, de la ministro pri scienco kaj teknologio, D-ro Paŭlo Alvim, de mararmea militestro, Luiz Gonzaga de Freitas Neto. D-ro Marcos Pontes prelegis pri liaj klopodoj ĝis lia flugo al la internacia spaca stacio. D-ro Paŭlo Alvim prelegis pri la agado de lia ministerio. La mararmea militestro Luiz Gonzaga de Freitas Neto prelegis pri la programo de brazila mararmeo pri la nuklea submarŝipo. Ankaŭ, la rotariano Saŭlo Borges prelegis pri la graveco de Rotary en la milito inter Rusio kaj Ukrainio. Multaj aliaj prelegoj kaj agoj okazis dum la 51-a Distrikta Kunvenantaro, inkluzive, la dankema kunveno, kiam nia Rotary E-Klubo de Esperanto-Brazilo ricevis du medalojn. Unu pro la plantado de arboj en Tunizio, en Kampala (Uganda) kaj en Muleba (Tanzanio). Ni kunlaboris la Distriktan programon “Antaŭsavi la Planedo Tero”!

Alia medalo estis ricevita pro la bonega laboro de nia Prezidanto Júlio Calegari kaj nia E-Klubo de Esperanto-Brazilo dum la jaro 2021-2022!

Tago de la Laboristoj aŭ Tago de la Laboro estas festata ĉiujare en la 1-a de Majo en pluraj landoj “preskaŭ” tutmonde. Labortago estas nacia festo en Brazilo, Portugalio, Rusio, Francio, Hispanio, Argentino, inter aliaj nacioj. Ĉi tiu dato reprezentas la momenton, kiun dungitoj kaj kompanioj devas pripensi pri la laboraj leĝoj, normoj kaj aliaj laboraj reguloj. En ĉi tiu dato oni honoras ankaŭ la lukton de laboristoj, kiuj postulis pli bonajn laborkondiĉojn. Danke al la kuraĝo kaj persisto de ĉi tiuj laboristoj, la nunaj rajtoj kaj avantaĝoj, kiujn ni ĝuas, estis konkeritaj.

Origino de Labortago

Ĝis meze de la 19-a jarcento, laboristoj neniam pensis postuli siajn laborajn rajtojn de siaj estroj, ili nur laboris. Sed ekde 1886 okazis manifestacio de laboristoj en la stratoj de Ĉikago, por postuli la redukton de la labortago (de 13 horoj al 8 horoj tage), kaj tiu sama tago komenciĝis ĝenerala striko en Usono. La amerikaj konfliktoj iĝis konataj kiel la Tumulto de Haymarket Square. Tri jarojn post la manifestacioj en Usono (la 20-an de junio 1889, precize), ĉiujara manifestacio estis alvokita en Parizo por postuli labortempon kaj estis planita por la 1-a de majo, kiel omaĝo al la sindikataj luktoj en Ĉikago. La 23-an de Aprilo, 1919, la franca senato ratifis 8 horojn da laboro kaj proklamis la 1-an de majo kiel festotago. Post kelkaj jaroj ankaŭ aliaj landoj sekvis la ekzemplon de Francio kaj deklaris la 1-an de majo kiel nacia festo dediĉita al laboristoj.

• Labortago en Usono En Usono kaj Kanado, Tago de la Laboro estas festata la unua lundo de septembro.

• Labortago en Brazilo En Brazilo la Labortago estis agnoskita nur ekde 1925, per dekreto subskribita de tiama prezidanto Artur Bernardes. La kreado de la CLT (Firmigo de Laboraj Leĝoj) estis starigita per Dekreto-Leĝo n-ro 5,452, la 1-an de majo 1943, flank tiam prezidanto Getúlio Vargas. Dum la Vargas-registaro, grandaj manifestacioj estis okazigitaj kiuj inkludis muzikon, paradojn kaj kutime la proklamon de iu nova laborjuro. Ĝis hodiaŭ, iuj registaroj sekvas la tradicion kaj komunikas la kreskon de la minimuma salajro en ĉi tiu dato.

Tradukita de la teksto de la Facebook-paĝo “Ligados no Rotary”: https://www.facebook.com/ligadosnorotary/posts/dia-do-trabalho-ou-dia-do-trabalhador0105o-dia-do-trabalho-ou-dia-do-trabalhador/2527348324247362/

Partnerece kun Tchoukball Geneva Indoors (TGI), la Rotary E-klubo de Esperanto Brazilo subtenis projekton por starigi ĉukpilkan teamon ĉukpilko (tchoukball) en la urbo Muleba en Tanzanio. Ni volas bonkuraĝigi ĉiujn ludantojn kaj instruistojn por la disvastigado de ĉukpilko, sporto rekonata de la Unuiĝintaj Nacioj por la edukaj valoroj kaj filozofio de ne-perforto kaj paco.

Ĉukpilkado (angle: Tchoukball) estas pilkoludo kiu evitas ĉiun formon de perforto kaj koleraj tuŝoj inter la ludantoj. Ĝi estas sporta aktiveco tre rapida, plezuriga kaj saniga^[1]. Ĝi estas kreita en 1970 de svisa biologo nomata Hermann Brandt. Ĉukpilkado estas ege facile lernebla, ĉar ĝi enhavas kelkajn jam konatajn teknikojn kaj fundamentojn, kiuj similas al manpilko kaj flugpilko. Ĝi ankaŭ valorigas tutteaman partoprenon, ĉar ĉiuj devas “ataki” (poenti) kaj “defendi”.

Ĉe tiu ĉi sporto krome en difinitaj teamoj por internaciaj ĉampionecoj, oni povas ludi samtempe homojn de diversaj seksoj, aĝoj kaj staturoj, kio eblas nur pro la senperforta karaktero de ĉukpilko.

Niaj anoj Jerzey Handzlik, ĵurnalisto kaj entreprenisto en Pollando kaj Malgorzata Komarnicka, prelegos al ni pri Pollando, nuntempe kun pli ol 2 milionoj da rifuĝintoj.

Karaj miaj amikoj,

Mi petas vian helpon. Ĉiutage venas al nia regiono kelkdek ukrainaj familioj kun infanoj. Ni ne volas resendi iun ajn. La skalo de la bezonoj kaj de la agadoj estas grandega. Ni subtenas la venantajn familiojn, helpante al ili trovi tranoktejojn, gastigejojn kaj memstarajn loĝejojn. Ni jam disdonis multegajn vestojn, manĝaĵojn, korpopurigaĵojn, meblojn, matracojn ktp.

Ĉar ĉiam pli novaj familioj alvenas sen ajna havaĵo kaj estas direktataj al ofte tute malplenaj aŭ nekomplete ekipitaj loĝejoj, ni URĜE bezonas praktike ĉion.

Ni donas helpon ne nur ene de la urbo, sed ankaŭ de la tuta distrikto, priservante la venintojn dislokatajn en diversaj lokoj de nia regiono.

Estas kreita loka HELPOFONDUSO. Ĉiuj arigitaj monrimedoj estas destinataj nur por helpo al rifuĝintoj el Ukrainio, ekskluzive por aĉeti nemalhaveblajn aĵojn, medikamentojn ktp.

Ni aliĝu al la kampanjo „NI KUNE POVAS PLI MULTE”!    

Mi ege petas vian helpon.

Kore.

Małgosia

Artikolo verkita en la angla lingvo aperas en la revuo de Rotary ĉimonate, la artikolo estas plenenhava kaj tio gravegas por la disvastigado de la internacia lingvo ĉe la anoj de Rotary Club.