La temo: nia Klubo realigis edukan projekton en aprilo 2019

Nia klopodo pri enkonduko de la “pilkoludo de PACO” en la urbeto Alto Paraiso en la ŝtato GOIAS, centra Brazilo, bonege sukcesis. Ĉi modelon de pilkoludo, kiun vi jam konas iom el klarigoj de antaŭaj renkontoj, nia membro Julio en Dubai, disvastigas mondskale, ĉefe en Afriko, pro la motivoj gimnastiki kaj ludi sen perforto, sen konkurenca konduto sur la kampo, sed kun solidareca kunlaboro inter la ludantoj.

Per la tre bonvola financa subteno kaj persona engaĝiĝo dum la kurso de nia membroj João Otávio, Alessandro, Julio, Ulisses, Vanda, Giuseppe, Ursula kaj Amanda, nia estraro sukcesis aĉeti la sufiĉe multekostajn kadrojn, pagis la transporton de São Paŭlo al Brasilia kaj aĉetis la flugbileton de la profesia trejnisto Leal Teofilo el la Esperanta Ĉukpilko-klubo de São Paŭlo. Oni akceptis lin en la flughaveno de Brasilia kaj per la disponigo de aŭtomobilo kun ŝoforo de la TVSUPREN kanalo (Ulisses kaj Vanda) Leal vojaĝis la 26-an de aprilo de Brasilia al Alto Paraiso kaj la 1-an de majo revene al la flughaveno en Brasília, entute pli ol 1.000 km.

En tiu urbeto li donis 5 tagan kurson al profesiaj sportinstruistoj de la Instituto de Esploro Edukado kaj Arto IPEARTES en la oficiala sporthalo de la urbo. Leal estis gasto de la bieno lernejo Bona Espero de kie oni veturigis lin ĉiutage al la sporthalo, kie instruistoj kaj lernantoj de la lokaj lernejoj lernis tiun novan sporton. Je la fino de la kurso Bona Espero ofertis al ĉiuj festan tagmanĝon. La instituto transdonis al la instruistoj diplomon subskribitan de nia Rotary Klubo, de Bona Espero, de la Instituto kaj de la ŝtata sekretarejo de edukado de Goiás. Ni elspezis por la kompleta projekto entute R$ 6.000 (= 1,530 USD= 1.360 Eŭroj), ne multe konsiderante la brazilajn distancojn.

Por la bona funkciado de la projekto respondecis surloke niaj klubmembroj Giuseppe, Amanda kaj Ursula kiuj estonte vizitos la lernejojn en la urbeto Alto Paraíso por vidi la ĉukpilkoludojn.

Nia prezidanto João Otávio rememoras al la membroj, ke Majo estas la Rotaria Monato de la Novaj Generacioj

Geamikoj: Pacon!
La energio. kiu movigas la mondon estas la fido de la homoj en si mem kaj en siaj proksimuloj. Sed, la plenkreskuloj diras ke NE havas tempon kaj energion por siaj idealoj!!! La revemaj adoleskantoj diras ke NE havas monon por siaj ideoj kaj idealoj! Do, iel ni devus agi tiusence…

La gejunuloj, kiuj jam komencas ekzerci siajn profesiojn, ja esta tute preparitaj por ŝanĝi nian mondon, sed ili NE faros tion se NI NE apogos ilin! Ili bezonas nian apogon, nian sekurecon, nian sperton. Esperantujo havas valorajn gejunulojn, kiujn ni povas inviti al nia E-klubo Esperanto Brasil. Kiam ili konos la eblecojn kaj rimedojn de la rotaria movado, certe, ili pasiiĝos por niaj idealoj kaj agadoj!!!
Pro tio mi petas vin, invitu, dum la proksima Esperanta Renkontiĝo, gejunulojn por partopreni en nia E-klubo.

Krom tio ĉi ni bezonas la kompromison de ĉiuj ni kun la klubo. Dum nia dua jaro, pliboniĝis la partoprenado de niaj gekunuloj, kompare al nia unua jaro de ekzistado. Dum nia proksima tria jaro ni esperas ke kreskos la aktivecoj, tra la plia dediĉo de niaj geanoj! La ekzemplo estas grava ero de nia rotaria agado.

0000000000000000000000000

Ni devas prepari la venontan estraron de nia Rotaria E-Klubo jam nun, ĉar la nova Rotary jaro komenciĝos la 1-an de julio 2019:
Nia propono por estraro en 2019/2020 estas la sekva kun nia peto, ke vi proponu vin por agadi venontjare en la rubrikoj ankoraŭ sen nomoj:

1.Prezidanto: DAVIDE ASTORI
2.Vicprezidanto: João Otávio Veiga Rodrigues
3.Sekretario: Ursula Grattapaglia
4.Kasistino: Sônia Lúcio
5.Rotaria Fondaĵo: Georgo Handzlik
6. Facebook paĝo: Alessandro Perna
7. Projekto “Sancentro en R.D. de Kongo” Jean Bosco Malanda
9. Rilatoj inter la membroj…………..?
10. Rotaria Cerimoniestro:…………….?
11. Rotaria Publika Imago:…………….?
12. Novaj Generacioj:……………………?
13. Rotaria Stipendio Pro-Paco:………….?

Kiu sin kandidatos al tiuj ĉi taskoj? Bonvolu, prezentu sin! Ni bezonas vin! Ĉiuj estas partoj de la sama rotaria korpo! Se ni movigos nian korpon ni ŝanĝos la mondon!

Kaj sekvas la 7-a profesio de niaj klubmembroj kun ALFRED SCHUBERT EN GERMANIO.

Mi finis la studadon de la franca kaj angla lingvoj en la universitato de Munkeno, Germanio, per esploro de”la franca lingvo en perkomputila tradukado”. Dum tiu tempo mi lernis ankaŭ Esperanton.

Poste mi laboris en la produktado de vortaroj kaj libroj por lingvo-lernado, tradukis priskribojn de komputil-programoj el la angla al la germana lingvo, verkis priskribojn de la funkcio de industri-maŝinoj, konstruis analogan gvidsistemon por linearaj motoroj kaj instruis la utiligon de ofice komputil-programoj al plenkreskuloj.

Dum tiu tempo mi ĉiam ankaŭ verkis artikolojn kaj faris fotojn por gazetoj. Tiu ĵurnalista laboro fariĝis intertempe mia ĉefa okupo. Mi preferas verki artikolojn pri energi-tekniko, ĉefe pri la novaj daŭrigeblaj fontoj de varmo kaj elektro: sunvarmo, fotovoltaiko, varm-pumpiloj, biogaso, ligno, ventoenergio ktp. Alia grava temo por mi estas la efikeco de energi-sistemoj, alivorte: la eblecoj per pli bonaj maŝinoj ŝpari energion.

Ĵurnalismo havas – laŭ mia opinio – sufiĉe gravan rolon en la socio. La ĵurnalistoj pristudas temojn kaj neŭtrale informas la homojn pri tiuj temoj, pri avantaĝoj kaj malavantaĝoj. Ili ankaŭ devas elekti, kiu temo povas esti grava por la legantoj, aŭskultantoj aŭ spektantoj.

Pro la diverseco de la homoj, necesas ankaŭ diverseco en ĵurnalismo.
Ĵurnalistoj havas la taskon, doni komentojn – kaj klare indiki, kio estas raporto -alivorte: kio estas faktoj – kaj kio estas propra opinio.
Ĵurnalismo aŭtomate informas ankaŭ pri la ŝtataj sistemoj, multe pli bone ol la konstitucioj, kiuj estas skribitaj sur – pacienca – papero. Se ĵurnalistoj povas libere labori kaj publikigi, la politika sistemo tre verŝajne estas demokrata – kaj inverse.

Alfred Schubert prezidanto de TEĵA (Tutmonda Esperantista Ĵurnalista Asocio)

Kelkaj interesaj novaĵoj de niaj membroj

Nia amiko Georgo Handzlik en Pollando edziĝis, sub la rideto de la Majstro L.L. Zamenhof, kun Vinjo, aktiva esperantistino.

Nia kasistino Sônia, kun Giuseppe kaj Ursula, partoprenis en la pola ambasadejo en Brasília la grandiozan feston de la Nacia Tago je invito de la ambasadorino Marta Olkowska. Marta naskiĝis en Biaiistoko kaj havas daŭran kontakton kun la lokaj esperantistoj de Brasilia.

Nia sportisto Julio aperas sur la  reklamo  de ĉukpilko ĉampioneco en Italio, kie li evidente estas inter la venkantoj .

La sekretariino atendas viajn tekstojn pri via profesio!
Kaj ankaŭ la lastajn kotizojn por ĉi semestro.
Fartu vi ĉiuj bonege! Ursula

La Temo: Vizito de la Guberniestro R.I., Distrikto 4560

La 6an de aprilo 2019 je la 16:00 horo, la guberniestro Paulo Sérgio Azevedo realigis sian unufojan jaran viziton al nia Klubo per vídeo-konferenco Zoom.

Ĉeestis: la prezidanto de la klubo, João Otávio Veiga Rodrigues, en Poços de Caldas; Sekretario Úrsula  Grattapaglia, en Brasilia; Kasistino Sônia Lúcio, en Brasilia; la Estrarano por la Rotaria Fondaĵo,  Giuseppe Grattapaglia, en Brasilia; la Direktoro pri Protokolo Wallace George Du Temple, Kanado; aliaj membroj: s-ro Jerzey Handzlik, Pollando , s-ro Alfred Schubert, Germanio,  S-rino Ruth Kevess-Cohen, Usono,  S-ro Jean Bosco Malanda Lutete, en Kinŝaso, Demokratia Respubliko Kongo, S-ro Júlio Calegari, en Dubajo, Unuiĝintaj Arabaj Emirlandoj ka s-ro Alessandro Perna en Italio.

Ankaŭ partoprenis la viziton de la Guberniestro Paulo lia Asesorino, S-ino Rosa Maria Martins Alves, en Poços de Caldas. La videokonferenco komenciĝis per la sono de la tradicia Rotary sonorilo en Kanado, fare de nia protokola direktoro S-ro Wallace Du Temple.  la Guberniestro prezentiĝis kaj ĉiu unuope el la partoprenantoj de la kunveno sin prezentis kun la koncerna traduko al  la  guberniestro.

1) En sekva interveno, la Sekretariino parolis kun la Guberniestro en la portugala, kaj kun la aliaj en Esperanto, pri la daŭra projekto de nia klubo kunlabore kun la teamo de tradukistoj de la revuo Unesko KURIERO. Ek de  2017 UNESKO publikigas sian  revuon ankaŭ en Esperanto kun la kunlaboro  de volontulaj internaciaj tradukistoj.

2)  Giuseppe Grattapaglia komentis al la guberniestro pri la projekto de revigligo de la centro de sano en la urbo  Lukala en la Demokratia Respubliko Kongo, por kio nia klubo  esperas la financan subtenon de la Distritka fonduso FDUC.

3) Júlio Calegari raportis la sukcesojn de nia projekto pri la tielnomata Paco-Ludo, la Ĉukpilko, kiu disvastiĝis tra la mondo, inkluzive en San-Paŭlo, kaj nun en Alto Paraíso, Goiás, danke al la financa subteno de nia Rotary E-Klubo per la trejnado en publikaj lernejoj kaj aĉetado de la koncernaj materialoj.

4) La Sekretario, komunikis pri la sukceso  informi RI kaj la Distrikton pri la nova estraro 2019/20, kaj registri ĉiujn klubajn membrojn sur la retejo MyROTARY, kie nia  klubo rezultas avangarde kun 100%.

5) La civila organizaĵo ASPAT de gepatroj de talentaj infanoj ne plu  ricevas subtenon de nia  klubo sed estas nukleo de komunuma evoluigo  de loka Rotary klubo en Poços de Caldas.

6) Koncerne niajn projektojn, la sekretario informis ke niaj membroj klopodas viziti lokajn Rotary klubojn por eventuale ricevi financajn apogojn por pligrandigi niajn agadojn, ĉefe por la Sancentro en Kongo.

La asistantino de la guberniestro dankis por partopreni en la renkonto kaj deziras al niaj membroj sukcesojn en la aktivecoj.

7) La guberniestro deklaris ke li estas tre kontenta pri la rezulto de nia nova klubo kaj niaj financaj subtenoj al RI metas nin en la 2-an pozicion inter 60  kluboj.

Ĉe la sono de la sonorilo, kies martelon ŝvingis nia amiko Wallace Du Temple, la kunveno estis fermita.

Artverkoj sub “martelo”

La sekva informo montras al vi kiel senlime estas la eblecoj agadi favore al la rotariaj idealoj kaj la konkreta financa subteno al edukaj institucioj.

Nia membro Alfred Schubert, ĵurnalisto de germanaj tagĵurnaloj, partoprenis Rotarian klubrenkonton en la urbo Penzberg en suda Germanio. 120 artaj objektoj, kiel pentraĵoj, porcelanoj kaj libroj estis en bela ekspozicio je dispono por esti venditaj en aŭkcio. 10.000 eŭrojn la Klubo intencis realigi dum tiu evento, kaj feliĉe ili sukcesis atingi la belan sumon de 12.500 eŭroj por subteni la infanhejmon Don Bosco en sia urbo Penzberg, krom la lernejojn Janus Korszak, Montessori kaj infanan tendaron.

“Arta verko nur ricevas sian valoron de arta amanto”denove oni povis sperti kiel tiu fama frazo regas la artmerkaton! Tamen iom post iom vendiĝis la artaĵoj por ebligi al la rotarianoj de Penzberg subteni siajn interesajn projektojn en la spirito de Rotary.

Ankaŭ nia Klubo atendas de vi personajn iniciatojn, kiel ĉi supra ekzemplo montras!

Post la unuaj 4 profesioj (João Otávio, Julio, Giuseppe, Wally) en nia Klubo, jen la 5-a same tre interesa profesio!

VANDA BEATRIZ REIS RIEDEL

De 15 jaroj mi volontulas en Rotary Interncional kaj sentas min agrable kunlabori kun aliaj profesiuloj realigante edukajn kaj sociajn projektojn. Kvankam mi estas inĝeniero pri financoj kaj doktoro pri merkatoj de kapitaloj, mi preferas esti televid- ĵurnalisto kaj serioza socia entreprenisto.

Mia filozofio estas, ke la planedo pledas forte por inkluziva kunvivado kun egalaj ŝancoj por ĉiuj kaj ke ni devas fari nian parton, por ke tio okazu.

Kiel fondinto-membro kaj direktoro de la senprofitcela Institucio UNIO PLANEDA, mi laboras de dukdek jaroj en la organizado de sociaj, mediprotektaj, edukaj kaj humanecaj projektoj. Tra la lokaj ambasadejoj en Brasilia, ĉefurbo de Brazilo, ni havas la eblecon kunlabori en nia televido kun la ambasadejoj de Ĉinio, Kazakio, Barato kaj Belorusio i.a.

La sociologio instruas, ke ni homoj pleje estas influeblaj tra ekzemploj. Ĉar nuntempe la televido estas potenca rimedo montri ekzemplojn, kaj ĉar grandparte tiuj ekzemploj ne estas verdire edifaj, mi partoprenis antaŭ 17 jaroj en la kreado de propra eduka televidkanalo por oferti al la soocio NUR POZITIVAJN ekzemplojn.

Nia komunika kanalo TVSUPREN (kun esperanto nomo) estas la laŭtparolilo de UNIO PLANEDA kaj mi estas la respondeca ĵurnalisto por la produktado de tre specialaj programoj, kiel “pedagogio de virtoj”, “kian estontecon ni deziras”, “planedo Tero – nia amo”, “filozofiaj konsideroj pri la vivo”, “jogo kaj meditado ĉiutage” “korekta nutrado”, “mediprotektado”, ”niaj indiĝenaj popoloj” k.a.

Mia familio funkciigas du veganajn restoraciojn (SUPREN VERDA kaj VILLA VEGANA) kies gajno garantias la financojn de la televidkanalo (senprofitaj celoj), kiu tute ne elsendas komercajn propagandojn.

Pri vegetarana kaj Vegana nutrado mi parolos al vi en venonta okazo.

De kelkaj jaroj la eduka bieno lernejo BONA ESPERO laboras partnere kun la UNIO PLANEDA, ĉefe rilate al disvastigo de Esperanto kaj edukado al mediprotektado. Kiel estrarano de financoj ankaŭ de Bona Espero, mi aktive membras do en ambaŭ organizaĵoj kaj bonesperanoj membras en la estraro de Unio Planeda. Ni havas interesajn planojn kun nia socia agado ankaŭ rilate al Rotary en kies esperantlingva Klubo mi membras ek de la komenco.

ULISSES RIEDEL DE RESENDE

Ek de mia juneco mi deziris esti profesiulo pri Juro kaj Pacaj homaj interrilatoj.

Homaj rajtoj, rajtoj de la naturo, rajtoj de plantoj kaj bestoj. Kaj tiel mi konsekvence studis juron en la universitato de São Paŭlo. Sekve mi instruis laborjuron en la universitatoj Gama Filho en Rio de Janeiro kaj en UNICEUB en Brasilia, kie mi loĝas ankoraŭ nun. Mi specialiĝis pri la rajtoj de laboristoj ĝenerale kaj kreis oficejon pri laborrajtoj, kiu kreskis multe pro la politika situacio en Brazilo kaj kune kun miaj gefiloj, kiuj ankaŭ estas juristoj pri laboro, ni defendas sindikatojn kontraŭ la ŝtataj maljustecoj.

Mi tiel multe engaĝiĝis en tiu agado, ke mi kreis kun aliaj advokatoj antaŭ 30 jaroj intersindikatan organizon je parlamenta nivelo, kiu ankoraŭ nun asesoras la parlamentanojn.
Mallonge mi estis senatano de la respubliko, kaj ricevis plurajn oficialajn rekonojn de la Nacia Parlamento, de la Mararmeo kaj de la supera labortribunalo.

Kun mia familio mi fondis la Institucion União Planetária (UNIO PLANEDA), en kies statuto legeblas ke Esperanto devas esti disvastigata en ĉiuj siaj agadoj. Finfine mia patro estis en Brazilo unu el la pioniroj de la Internacia Lingvo komence de la pasinta jarcento!
Tiu institucio klopodas tra sia televidkanalo TVSUPREN krei novan konsciencon ĝenerale rilate etikon, pacon kaj harmonian kunvivadon inter la homoj kaj la naturo.Ni elsendas NUR pozitivajn programojn, ĉar televidkanaloj gajnas sian monon per ofte katastrofaj informoj kaj mediokraj propagandoj.

Dum la lastaj jaroj mi sukcesis krei amikajn profesiajn rilatojn, kiel prezidanto de TVSUPREN, kun la ambasadoroj de pluraj diversaj nacioj en Brasilia. Kune ni kreis seminariojn pri la plej gravaj nuntempaj temoj kiel diskutrondojn pri demokratio en internacia komunikado, eksterpartia politiko, pluraleco de kulturoj, spiritualeco apud la diversaj religioj, novaj sciencaj eltrovoj, la leĝoj de la naturo, la regenerado de la homa socio kaj la protekto de la naturaj riĉecoj. Pri tiuj temoj mi skribis plurajn librojn.

Esperanton mi konis ek de mia infaneco, sed nur en la lastaj jaroj mi aktive partoprenis kelkajn universalajn kongresojn ek de 2002 kaj de tiam mi ankaŭ volontulas en Rotary International. Kaj ek de 2003 mi estas prezidanto de la bieno lernejo Bona Espero, kies idealojn pri sociaj rajtoj, naturprotektado, esperanto kulturo, interŝanĝo de gejunuloj el diversaj landoj mi aktive subtenas ĝis nun. Mi estas fondmembro de nia interesa Rotary Klubo, kiu elektronike kunvenas kaj praktike realigas edukajn kaj sanigajn projektojn en diversaj lando de la mondo.

Informoj de la sekretarejo:

• Bondeziru nian membron MARIA José (loĝanta en Alto Paraíso de Goiás, Brazilo) okaze de sia naskiĝdatreveno la 24-an aprilo!
• Iu el vi pagis sian duonjaran kotizon de 300 R$ komence de marto, sen indiki sian nomon. Mi petas informu min, kiu pagis!
• kelkaj ankoraŭ ne pagis sian kotizon de januaro ĝis junio. Urĝas vere kaj mi petas vin ne forgesi. Pli facile eĉ se vi tuj pagos ankaŭ por la dua duono de la jaro 2019, tiel vi estas liberaj de miaj admonoj ĝis januaro 2020.
• Kiu de niaj membroj partoprenos la Universalan Kongreson de UEA en Finnlando? Ni havos je dispono dum la sabata movada foiro standon por RADE por informi pri Rotary kaj petas ke iu transprenu la respondecon pri la informado! Ĉu nia amiko LEIF en Svedio, tute apude????? Estus bonege!
• Ni atendas viajn prezentojn de via profesio plej eble baldaŭ al la sekretariejo. KAJ NE FORGESU BELAN FOTON DE VI!

Bonvole atente legu niajn publikaĵojn kaj aldonu viajn komentojn, por  ke la prezidanto scios ke vi fakte sentas vin membro de nia Klubo.

La temo: niaj profesioj

Ni vivas en mondo kiu bezonas solidarecon kaj komprenon, helpon kaj volontulan servon. Rotary International invitas homojn, kiuj sentas la bezonon aktivi por doni sian parton da solidareco, sian tempon por ke la mondo iĝu pli justa kaj digna.

 “Kune ni estas pli efikaj porti solidarecon”!

Rotary kunvenigas  profesiulojn, pretaj volontuli por apogi  projektojn,  kiuj bezonas niajn dediĉojn kaj profesiajn talentojn .

Nia Klubo estas ankoraŭ juna kaj la membroj devas konatiĝi inter si pli bone, ĉar ni vivas je grandaj distancoj. Sed por amike kunlabori necesas ke ni pli bone, multe pli  bone, interkonatiĝu.

Pro tio, ĉirenkonte ni  komencas prezenti tri membrojn, kiuj rakontas al  ĉiuj pri siaj profesioj kaj ili invitas vin same prezenti vian profesion!

Nia 1-a profesiulo estas kompreneble nia prezidanto João Otávio en Poços de Caldas, Minas Gerais, Brazilo.

João Otávio

Mia profesio ĉiam estis servi la homojn, la publikon kiu bezonas  la servojn. Mi ne povas diri ke mia persona inklino estus la publika servo. Sed mi studis Juron, kaj mi lernis ami ĝin. Post la Universitato mi daŭrigis studi Juron koncerne la civilan proceson kaj pri civila juro. Do, kun tiu prepara studo mi eniris en la publikan servon. Mi laboris en la tributa ricevado, precipe pri Ŝtataj Impostoj, en la Ŝtata Financa Sekretariejo de São Paŭlo.             

En tiu Sekretariejo mi laboris ankaŭ en la juĝado de administraj tributaj procesoj, en la unua administra instanco. Poste, mi laboris en la areo pri tributa kontrolo, sed en Ŝtato Minas Gerais, kie mi emeritiĝis ekde tri jaroj.

Fakte, Juro estas pasiiga! Estas reguloj akceptitaj de la tuta socio favore al ĉiuj homoj, al ĉiuj civitanoj! La ŝtato ne havas proprajn rimedojn. Ĝi devu ricevi la tributojn de la kontribuantoj por sukcesi prizorgi la bezonojn de la popolo. Ekzistas socia interkonsento, “socia kontrakto” kiu estas la bazo de tuta tributado.

Nuntempe, mi servas la komunumon per miaj aktivecoj en Rotary.

João Otávio

La 2-a profesiulo estas Julio Caligari, loĝanta en Dubai.

Julio Caligari

Volonte mi parolas al vi pri mia profesia agado, karaj rotarianoj!

Mi konatiĝis kun  pluraj el vi en  Lisbono dum trihora renkontiĝo inter du flugoj, dum la Universala Kongreso de UEA en aŭgusto pasintjare.

Mi komencis labori en la internacia flughaveno de Sao Paulo, Brazilo, en la monato julio 1998 dungita de la flugkompanio VARIG kiel funkciulo por specialaj servoj. Mia laboro estis zorgi pri ĉiuj speciala kazoj en la flugoj, kiel ekzemple vojaĝantoj en rulseĝo, blinduloj, malsanuloj, gejunujoj vojaĝantaj sen gepatroj, kaj mi spertis ankaŭ  pri deportitoj kaj vojaĝantoj kun falsa pasporto. Pro tiuj juraj problemoj, mi partoprenis plurajn kursojn en ambasadejoj kaj iĝis spertulo pri  falsaj vizoj kaj pasportoj. Interesa laboro, sed malbone pagata konsiderante la  gravan respondecon.

Sed jen kiel mi komencis vojaĝi internacie pro la favora kondiĉo esti  dungito  de flugkompanio – mi  ja ricevis laŭleĝe ege bonan rabaton por aĉeti flugbiletojn!

En la jaro 2006 samtempe kiam VARIG bankrotis, la araba flugkompanio EMIRATES komencis dungi en Brazilo funkciulojn.  Feliĉe mia edzino, pola esperantistino, kaj mi sukcesis esti inter la elektitoj por labori kiel flugstevardoj en Dubai.Intertempe mi iĝis la ĉefa respondeculo  pri la tuta teamo de funkciuloj  dum la flugoj.

Ĉio havas sian valoron kaj prezon. Flugante nun jam de pli ol dek jaroj al pli ol 70 diversaj landoj, konatiĝante kun novaj kulturoj kaj spertante riĉajn interhomajn rilatojn dum la flugoj kaj en la vizitataj urboj, mi estas kontenta ke ni havis la kuraĝon alfronti tiel “novan vivon”. Nun ni havas filinon kaj mia edzino ne plu flugas kaj atendas min pacience kun nia bela filino en Dubai.

Pro la fakto povi senpage flugi tra la ĉieloj, esti eĉ pagita por tio kaj ĉiam gasti en luksaj  hoteloj,  mi havis okazon  unikan disvastigi mian preferatan sporton, nomata ĉukpilko.

Temas pri nova moderna pilkoludo sen perforto, sen fizika kontakto inter la ludantoj. Rapida, solidara, entuziasmiga sporto! Mi estis dum la jaroj tiel bonŝanca, ke mi kreis teamojn de tiu sporto, nomata de UNESKO “Pilko por Paco” en landoj kiel Pakistano, Tajvano, Benino, Togo, Angolo, Niĝerio, Alĝerio kaj nun tra nia Rotary Klubo eĉ en Alto Paraiso de Goiás. Cetere en Brazilo jam ekzistas teamoj de ĉukpilko en pluraj urboj.

Vidu, mi estas inter tiuj ne multaj homoj, kiuj amas sian laboron kaj pro tio ĝi iĝas preskaŭ hobio.

Mi esperas legi ankaŭ pri viaj profesioj!

Amike

Julio

La 3-a profesiulo estas Giuseppe Grattapaglia, en Brasilia, Brazilo.

Giuseppe Grattapaglia

La urbo Torino, en la nordo de Italio, tuj apud la franca kaj svisa landlimoj, estis eleganta urbo de la Savojaj reĝoj kun belaj kasteloj. Sed en la tempo kiam naskiĝis Esperanto kaj Rotary, same naskiĝis fabrikoj en la mondo.  Ankaŭ en Torino. Antaŭ pli ol cent jaroj la familio Agnelli decidis produkti aŭtomobilojn. Dum la jaroj estis konstruitaj unu fabriko post alia, entute 22 nur en la urbo mem, kelkfoje meze de elegantaj avenuoj. Kaj la tuta loĝantaro entuziasme havis ŝancon esti dungita, ricevi  salajron kaj la socia evoluo kreskis  rapide.

Mi naskiĝis en unu el tiuj FIAT familioj, kie la patro, la onklo, la avo, la  kuzo kaj la onklino estis  feliĉaj funkciuloj de fabriko, kiu produktis aŭtomobilojn, traktorojn, aviadilojn, militveturilojn, pagis bonajn salajrojn, sendis la gefilojn de la funkciuloj al la maro por ferii aŭ en la alpajn montojn, havis propran sansistemon,  propran teknikan lernejon por  la plej talentoj filoj de la funkciuloj. Giganta prospera familio. Kaj neniu povis eĉ imagi ke iam tiu fabriko fermos siajn pordojn.

Nu, mi ne nur naskiĝis en tia familio, sed tuj post la lasta tago de la dua mondmilito nenio  pli normala ol ke mia patro portis sian 14jaran filon al tiu speciala teknika lernejo, por  lerni esti bona projektisto  de motoroj.

Kaj en tiu tempo,post la milito, eĉ ne ekzistis aliaj laboreblecoj en tiu FIAT-urbo! Aŭ FIAT aŭ nenio.

Mi persone vivis en FIAT (Fabrica Italiana Aŭtomobili Torino) diversajn profesiajn periodojn post la diplomiĝo en la teknika lernejo. La instruistoj faris en tiu trijara lernejo siajn  specialajn trejnadojn al talentgrupoj laŭ kiuj mi estis elektita por la projektdepartamento, kie oni devas inventi motorojn desegnante ilin en du dimensioj imagante funkciadon de tridimensia mekanika giganta traktoro.

 Ne nur desegni,  sed kalkuli la rezistokapablon de miloj da pecoj kaj pecetoj de traktoro por difini la garantion kiun povas donas la fabrikanto al la aĉetanto. Dum la periodo antaú mia elmigro al Brazilo,  mi uzis mian tempon por instrui en la sama departamento, la novajn generaciojn pri desegno kaj  kalkulo de mekanikaj aparatoj.

 Mi bone memoras kiam en nia ĉefsidejo alvenis la unua komputilo! Kia monstro – 200 metroj longa kaj ni devis inventi la programojn por utiligi tiun aparaton, kiu matene diris al ni”buon giorno”. Kaj mi rifuzis saluti tiun mekanikan kaj elektronikan aparaton! Sed sekve iom amikiĝis kun ĝi.

Post 25 jaroj, tamen, mi decidis forlasi kun mia familio tiun riĉegan “patrinon FIAT” kaj koni aliajn horizontojn, kie  la homo povas vivi  laŭ aliaj reguloj.

Giuseppe Grattapaglia

En 2019 nia Klubo estas jam pli matura kaj preta konkretigi kelkajn el diversaj proponoj de projektoj por esti realigotaj de niaj membroj en la diversaj agadprogramoj.

1.La grandioza projekto SMILE UKRAINIA estas okazanta tre aktive ĉimonate en nia distrikto 4560 kun kuracistoj el Ukrajnio, kiuj lernas la plej modernajn teknikojn de la kirurgio por vizaĝ-rekonstruo.  Kunlaboras ankaŭ nia Klubo kune kun aliaj pluraj Rotary kluboj kaj loka universitato.

2.Pasintrenkonte estis prezentata la projekto pri sanprizorgado en D.R.Kongo sub la respondeco de nia membro Jean Bosco Malanda. Germanaj rotarianoj  jam faris financan donacon por tiu grava helpo kaj kanadanoj verŝajne sekvos. Detalojn vi trovos en la  rubriko DOSIEROJ.

3.La traduk-laboroj por la UNESKO kuriero  daŭre funkcias.

Oficiala revuo de Unesko, eldonata en Esperanto de UEA

Unesko-Kuriero, eldonata fare de la Organizaĵo de Unuiĝintaj Nacioj por Edukado, Scienco kaj Kulturo (Unesko), aperas kvarfoje jare en sep lingvoj. Ĝi antaŭenigas la idealojn de Unesko, diskonigante ideojn pri internacie gravaj temoj, konforme al ĝia mandato.La papera versio estas aĉetebla ĉe libroservo de UEA.

Volontulaj tradukistoj el la UN-lingvoj (araba, angla, ĉina, franca, hispana kaj rusa) aŭ en la  portugala lingvo, kaj provlegistoj por aliĝi al la teamo de Unesko-Kuriero en Esperanto,bonvole kontaktu nian prezidanton João  Otávio se vi  pretas kunlabori!

4. La projekto pri trejnado de teknikistoj pri motorciklo-riparado havas problemojn surloke, kie nia prezidanto arde klopodas akiri la kunlaboron de oficiala organizaĵo.

5. En Alto Paraíso  de Goiás antaŭeniĝas la projekto pri la “paca pilkludo Tĉukpilko” por esti instruota en 6 urbetoj de la  regiono.

LA KASISTINO SONIA REKOMENDAS AL KIU NE PAGIS ĜIS HODIAŬ, KE LI/ŜI NEPRE REMEMORU ANKORAŬ ĈIMONATE SIAN SEMESTRAN KONTRIBUON DE 300 REALOJ (AŬ 75 USD).

Rotary International estis fondita en 1905 la 23an de februaro kaj ni prenas la okazon por rememorigi al vi ĉimoate la  signifon de via membreco en tia tutmonda organizaĵo  kie vi havas kaj privilegiojn kaj respondecojn.

Viaj privilegioj kiel rotariano

1. Amikaj rilatoj kun individuoj, kiuj dividas la samajn idealojn.
2. Unika okazo servi volontule la socion, plibonigi vian profesion kaj promocii internacian amikecon;
3. Vasta kontakto kun aliaj profesiuloj.
4. Partopreno en stimulaj programoj dum regulaj kunvenoj en la retejo kaj en vidkonferencoj.
5. Konatiĝi kun rotarianoj tutmonde kiam vi vizitas klubojn dum viaj vojaĝoj turismaj kaj profesiaj.
6. Vi rajtas proponi novajn klubmembrojn, prezenti ilin en la retejo kaj esti ties sponsoro.
7. Vi povas reprezenti nian klubon kiel voĉdonrajta membro en la internaciaj R.I. konferencoj, kiuj okazadas ĉiujare en alia lando.
8. Vi povas esti estrarano kaj prezidanto de nia Klubo.
9. Vi rajtas prezenti novajn projektojn.

Viaj respondecoj kiel rotariano

1. Ĉiu rotariano devus ĉeesti la regulajn kunvenojn de sia klubo.

En nia kazo de elektronika  Klubo, vi devas legi kaj komenti la diversajn temojn en nia retejo rotaryclubdeesperantobrasil.org/ almenaŭ dufoje monate por ke via aktiva partopreno estu registrita.

Vi ankaŭ devas almenaŭ unufoje jare prezenti interesan  temon por ĉiuj membroj en nia retejo.

Vi devas elekti membriĝi en unu aŭ du komisionoj de la Klubo.

Vi devus partopreni la distriktajn  konferencojn kaj partopreni en ties programoj aŭ en distriktaj  konferencoj de via loĝloko, kie ekzistas Rotary kluboj.

Niaj vidkonferencoj sabate kaj dimanĉe daŭre kunigas nin por priparoli niajn projektojn kaj konatiĝi kun la membroj.

Montru ankaŭ  vian vizaĝon venontsemajne!

Saluton kara Prezidanto,

Finfine, jen nia propono pri nia projekto rilate al la sancentro.

Mi iom klarigas al vi la hitorio de tiu centro kaj kion ghi celas.

La centro mi ekkomencis sub la tegmento de iu organizo el Sudafriko kiel nova sperto en Kongo. Chio iris glate ghis kiam alvenis nova administrantino (el Kenjo) de la organizo centrafrikskale. Mi devas konfensi ke de la unua rekontingho kun shi, niaj rilatoj ne aspektis afablaj pro la kialoj tute ne konitaj de mi kaj de chiuj niaj chirkaùuloj. Mi klarigis la tutan afero al la Direktoro el Sudafriko, sed sensukce. Shajnas al mi ke shi ne tute shatis Kongon. Shi finfine decidis fermi la centron kiel administrantino de la organizo centrafrikskale. Chio mirigis chiujn char la sperto sukcese funkciis.

Salutinda agado de chiuj, bedaùrinde kiu subite estis malfermita pro la kialoj tute ne konataj de ni. Bedaùrinde, la enspezoj de la tuta funkcianta periodo iris kun la afabla administrantino.

Pro tio ke tiuj agadoj efike funkciis kaj multe helpis la komunumojn, la sanaj aùtoritatoj petigis nin daùrigi la agadojn. Jen  pro tio ni transprenis la tutan agadon nome de nia asocio « Solidareco kaj Agado ».

Kion celis la centron :

·        Batali kontraŭ la disvastiĝo de HIV/aidoso, Sekse Transdonitaj Infektoj, malario kaj tuberkulozo en la komunumo, che la trafiksektoro (truckers) kaj  ĉe la sekskomerculinoj.

·        Faciligi aliron al bazaj sanservoj.

Kaj niacele, post enketo, ni starigis la centron en tion kion teknike ni nomas “varma punkto”: tie kie kamionistoj kaj sekskomerculinoj rekontighas facile kaj dece. Tio kompreneble havas gravajn konsekvencoj en la komunnumoj. Niakaze, la centro situas sur la chefa vojo je 150 kilometroj oriente de la chefurbo Kinshaso. Kio okazas pri kamionistoj? Ili restadas en “ tiu varma punkto” pluraj semajnoj kaj ili estas la mielo kiu altiras la abelojn (sekskomerculinoj). Tio estas la chefa kaùzo de la disvastigho de aidoso en la komunumo. Plie okazas pluraj nedezirataj gravedecoj (grossesses indésirables) en la komunumoj kaùzitaj de kamionistoj.
Forlasitaj al si mem (char la entreprenistoj estas pontencaj personoj kiuj ne bone zorgas iliaj laboristoj), tiuj kamionistoj ne aliras facile al bazaj sanservoj dum ilia restado en tiu urbo.  

Pro la kialo menciinta supre, ni ne tuje havis monon por daùrigi la tutajn antaùajn agadojn. Poste la kunsido kun la sana zono, li promesis havigi al la sancentro kondomojn, serologiajn testojn. Ghis nun la sana zono plenigas sian rolon. Niaflanke ni promesis trovi rimedojn por funkciigi aliajn planitajn agadojn, chefe bazaj sanservoj kaj prizorgado pri Sekse Transdonitaj Infektoj.

Nuntempe la centro ne funkcias plenplene. La cementfabriko kiu donacis la lokon por starigi la centro senpagante akvon kaj la regulan elektron interpelaciis nin kaj instigas nin funkciigi la centron plenplene por garantii la lokon.

Ni ne tute volas perdi tion, char la perdo de la loko signifas la malapero de nia centro.

Ni batalis trovi rimedojn sed vane. Pli kaj pli financadon farighis malfacile trovebla. Plurfoje la monon shatas iri en fiktivaj agadoj.

Bedaùrinde Pastro Duilio el Italio kiu vizitis nin dufoje kaj kiu fidinde subtenis niaj agadojn forpasis antaù ol ni atingu kelkajn agadojn. El Nerderlando ankaù venis fidinda atento flanke de s-ro Jacques Tuinder, apenaù li vizitis nin kaj ekagadis kune, li forpasis. Mi multe klarigis al kelkaj e-geamikoj, bedaùrinde neniu atente traktis la aferon.

Ni nun bezonas rimedojn por garantii la lokon kaj ankaù por atktive agadi por atentigi kelkajn organizojn tra la mondo kaj la lando. Ghi ne estos nova  agado, sed temas pri renovigo de malnova agado kiu mi tre bone regas. Kun mia granda sperto che Sanru, mi altigis mian kapaciton plibone regi la aferon. Jam la sana zono apogas la centron per aidoso-testoj kaj kondomoj chiumonate.

Aliflanke, la centro, pro tio ke ghi povas uzi esperanton, estas inda ilo por promocii esperanton en sanaj medioj. Ghis estas pruvilo ke esperanto estas logika lingvo kiu funkcias en diversaj kampoj.

Kiu organizo, kiu homo, kiu asocio, kiu bofaranto povas helpi nin renovigi kaj efikigi niajn agadojn ?

Ni ne laboros pro mono, ni laboras por helpi personojn. Le centro ne nur estas deca loko sed ankaù ofertas decan sanprizorgadon.  

La celo de la centro ne estas absolute gajni monon, pro tio ke la aliro al bazaj sanaj prizorgadoj estas ege malfacila, ni kalkulas pri tiu unua apogo por stabiligi niajn agadojn ? Dank’al tiu apogo, la sancentro, niasperte povas sinprizorgi sen postuli la saman aldonan financadon. En la prezentita bugheto, tio estis kalkulita laù la konkretaj spertoj eke de la sancentro siatempe. Ni forlasis en la bugheto chio kio ne ne necesas financado, ekzemple la elektro, akvo kion oni ne pagas ; la serologiaj testoj kion la sana zono donas al la sancentro senpage.

Viaj konsiloj estas bonvenaj. Ni povas kalkuli pri via atento.Mi antaùdankas vin pro tio kion vi povos. Tiamaniere vi kontribuos, ne certe al plibonigo de la sanprizogado de chiuj kongolandanoj, sed eble ech de unu kongolandano. Se ni povas savi ech unun vivon per nia agado, ni trafos nian celon. Char chiu vivo valoras.
Je via dispono pri eventualaj aldonaj informoj.
Kun solideremaj sentoj

Jean Bosco MALANDA LUTETE
 E-mail: jbmalandal@yahoo.frTéléphone: +243 810 295 081Skype: jbml1970

Dosieroj de la projekto:

 La temo estas: Propono de Projekto por Sanprizorgado en D.R.KONGO

Karaj membroj de nia Rotary Klubo,

La esenca celo de nia movado estas krei inter grupo de volontuloj  ligon de amikeco kaj kunlaboro kun la  celo realigi edukajn kaj sociajn projektojn tie, kie la oficialaj instancoj ne sukcesas oferti la necesajn vivkondiĉojn al  la homoj de ia  koncerna komunumo.

Mi prezentas al vi hodiaŭ tre gravan projekton ellaborita de nia membro Jean Bosco Malanda Lutete, kiu loĝas en Kinŝasa, D.R.Kongo. Estas grupo tie de volontuloj, kiuj jam agadas de kelkaj jaroj sed urĝe bezonas helpon.

La demando de nia estraro estas al vi, ĉu vi pretas kunlabori per financa subteno aŭ sendo de materialoj kiujn la ekipo tie bezonas?

Resumo de la projekto sekvas nun, sed vi povas legi la kompletan tekston en esperanto en nia rubriko DOSIEROJ.

La organizo nomiĝas SOLIDARIETÉ ET ACTION (solidareco kaj agado) kun sia oficiala sidejo en la ĉefurbo Kinŝasa. La Centro estas senprofitcela organizaĵo kaj celas helpi la homojn en tiu regiono jam ek de 2013 en modesta oficejo.

La loko kie la projekto funkcias, troivĝas en la provinco de Centra Kongo en la urbeto Lukala, kie ili laboras en malgranda oficejo, cedita de fabriko.

KOMUNUMA CENTRO PRI SANPRIZORGADO KAJ INFORMADO PRI AIDOSO, SEKSE TRANSDONITAJ INFEKTOJ, MALARIO KAJ TUBERKULOZO.

La volontuloj tie estas motivigataj de la konsciigo ke la vivo de ĉiuj homoj samvaloras kaj ili rajtas aliri al informoj pri tiuj malsanoj kaj la baza sanprizorgado. La centro estasregule kontrolata de la ŝtata sanzorgado kaj aktuale la agadoj estas:

– konsciigo kaj konsilado pri  la nomitaj malsanoj;

– familia planado kaj subteno al orfaj infanoj, kies gepatroj mortis pro       tiuj malsanoj;

– helpo en kazo de seksperfortoj kaj instruo pri uso de kondomoj;

– rekomendado kontraŭ fumado kaj alkoholismo

– kuraĝigi volontulan aidosoteston.

La kompleta projekto bezonus 37.000 USD, sed nia Klubo estas ankoraŭ tute nova kaj ne facile ni povus atingi la necesan financan subtenon.

 La Rotary Fondaĵo ricevas dum la jaro centojn da projektoproponoj kaj pretas kunlabori pagante ĝenerale la duonon (50%) de la tuta kosto. Sed nia klubproblemo estas kiel atingi la unuan duonon de tiu granda sumo.

 Ni planas peti kunlaboron de aliaj Rotary kluboj, en urboj kie loĝas niaj membroj. Se vi pretas iamaniere helpi realigi per viaj sugestoj, ni tre ĝojas legi vian respondon.

Sed por komenci helpi al ili nia prezidanto João Otávio proponas fari komencan projekton de nur USD 2.000, tra la financa subteno de nia distrikto 4560 kaj eble ia helpo de niaj membroj.

En oktobro nia Klubo lanĉis projekton de monkolektado de mil USD (3.700 R$) al kiu kunlaboris dek membroj, bedaŭrinde la aliaj ne sentis la neceson kunlabori  finance.   Sed nun ni esperas, ke iuj inter vi komprenas la gravexon kaj neceson de tiu nova projekto. Vi respondu en nia retejo aŭ en la Whatsapp grupo. Volonte ni legos viajn komentojn en nia  retejo kaj tre esperas ke  vi pretas envolviĝi en tiu grava helpo.

Volontula agada en Klubo-komisionoj

Nia prezidanto João Otávio invitas vin legi kaj respondi al li – aŭ rekte en ĉi retejo WordPress, vian decidon en kia kategorio vi ŝatus kunlabori:

1. Fokusante en la aktivecoj de nia rotaria klubo, ni petas ke vi elektu unu el tiujn sekvantajn proponojn por kunlabori en formo de klubkomisionoj al kiuj vi libere povas aliĝi:
   • Rotaria Fondaĵo
   • Profesiaj Servoj
   • Rotaria Interŝanĝo de Amikeco
   • Plivastiĝo de Rotary
   • Humanecaj Servoj
   • Disvolviĝoj de Projektoj
   • Publika Prezento de Rotary
   • Rotaria Cerimoniaro (Protokolo)
   • Interŝanĝo de gejunuloj
   • Forigado de Poliomjelito
   • Stipendioj por Paco (majstreco)
   • Paco inter la homoj; Paco inter la nacioj.
   • Disvastigado de la Principo de Rotary

2. Kion vi esperas de nia Rotaria Klubo?

3. Kiuj estas viaj sugestoj al nia Rotaria Klubo?

1. Vortoj de nia prezidanto João Otávio

Saluton, gekaruloj!!!

2018 finiĝis.

2019 ekkomenciĝas…

Sed la homoj, la defioj, la mizeroj, la malsanoj, la militoj, la nescio estas la samaj. Okazis nenia miraklo!

La homoj faras promesojn, gratulojn, bondezirojn, kiuj tamen restas fermitaj en la unuaj minutoj de la unua tago de la nova jaro.

Ĉu vi faris promesojn?

Se ni ne decidos ŝanĝi nin mem, interne, la mondo ankaŭ ne ŝanĝiĝos! Estu vi la ŝanĝo kiun vi deziras vidi en la mondo!

Ni ricevis helpopeton el Afriko. En la Demokrata Respubliko Kongo la kuraczorgado al la civitanoj estas farita ne per la ŝtato  mem, sed  per aliaj privataj organizoj, kiuj ne estas sufiĉe preparitaj por alfronti la sennombrajn malsanulojn.

Nia membro Jean Bosco Malanda Lutete estras unu inter la sanorganizoj. Kaj li suferas pro la granda nombro da malsanuloj kiuj serĉas  helpon ĉe lia organizo kaj ili fakte bezonas helpon.

Li preparis projekton kaj prezentis ĝin al ni. Por tiu Projekto oni bezonas pli ol 30 mil dolarojn. Sed nia  Klubo sola ne sukcesos atingi tiun sumon. Sed se ni serĉos la apogon de aliaj Rotary Kluboj en la urboj kie niaj membroj loĝas, certe, ni sukcesos solvi parton de la  sanproblemoj en Kongo.

Ni bezonas vian apogo, bonvolu, kaj sendu viajn proponojn.

Ni eliru de nia konforta brakseĝo,de  antaŭ la televidilo kiu montras ĉiutage la mizeron en la mondo kaj vi, kiu legas, faru ion favore al niaj gefratoj en Afriko!

Kore, João Otávio, via prezidanto  2018/2019

2. Informoj de la sekretariejo:

La estraro deziras al vi, karaj  membroj, kaj al ĉiuj rotarianoj  kiuj vizitas nian “hejmon” ĉi tie, specialan, simpatian, defiplenan, sanan kaj sukcesan novan jaro 2019 kaj por  nia  klubo  la  komencajn agadojn por du novaj  projektoj jam en fazo de preparo, unu en Brazilo, alia en Kongo.

Denove ni rememorigas al tiuj inter vi, kiuj ankoraŭ ne pagis sian kotizon, la konton en Brasilia por sendi tien vian kotizon por la venontaj ses monatoj:

Banco do Brasil, Agência 1003-0

Conta corrente 59.331-1, CNPJ 28.788.665/0001-20

Je la nomo de Rotary Club Esperanto Brasil.

Niaj eksterlandaj membroj utiligas la konton ĉe UEA, same kiel antaŭe.

3.

Nia Internacia Organizaĵo R.I. invitas ĉiujn 35.500 klubojn en la  mondo komuniki la novajn estrarojn kiuj ekfunkcios ek de la 1an de Julio 2019.

Inter la diversaj reguloj R.I. rekomendas ŝanĝi  ĉiu jare la prezidanton de la kluboj kaj same de la distriktoj kaj Monda Estraro.

Kun granda plezuro ni komunikas al vi la kandidaton al la venonta prezidanteco de nia Klubo  – DAVIDE ASTORI loĝanta en PARMA, ITALIO, eksterordinara esperantisto kaj longjara rotariano.

Jen sekvas lia profesia kompetenteco:

Davide Astori, magistreco pri Beletro je klasika orientiĝo, doktoreco pri romanidaj lingvoj (LMU–Munkeno), diplomo pri paleografio (Ŝtata Arkivo de Parmo), ĵurnalisto, estas, ekde 2015, asociita profesoro pri ‘Ĝenerala Lingvistiko’ kaj ‘Sanskrito’ ĉe la Universitato de la Studoj de Parmo (Italio), kie li instruis interalie ‘Lingvon araban’ kaj ‘Lingvon kaj kulturon hebrean’.

Inter liaj ĉefaj interesoj substrekindas: kontakto inter lingvoj kaj kulturoj, semidaj lingvoj, tradukscienco, lingvoj kaj mondkonceptoj, lingvaj kaj sociaj minoritatoj, soci-lingvistikaj aspektoj de naciaj identecoj.

Specife pri la lingvo internacia li nombras pli ol 30 sciencajn publikaĵojn. Ekde 1999 li prelegis multfoje, en fakaj konferencoj kaj komunikadoj, en Italujo kaj eksterlande. Jam konsiliano de IEJ (enjunece) kaj poste estrarano (kaj vicprezidanto) de FEI (Itala Esperanto Federacio).

Li estas la organizanto de la Premio “Canuto” por la plej bona doktora disertacio pri interlingvistikaj kaj esperantologiaj temaroj (ĉi-jare oni festas la IX-an eldonon), kaj li sekvis dum la lastaj jaroj, kiel referanto, doktorigajn tezojn pri temoj rilataj al Interlingvistiko kaj Esperantologio: okaze de la V-a fojo de la Premio, li kuratelis la volumon La Premio «G. Canuto» por magistriĝa disertacio pri Interlingvistiko kaj Esperantologio. Kvin jaroj da (inter)lingvistikaj pliprofundigoj en Parma, FEI, Milano 2014. Kun la eseo “La Zamenhofa revo inter lingvistika kaj religia planado: interpopola dialogo kaj tut-monda interkompreno per Esperanto kaj Homaranismo” li gajnis la (unuan) Premion “Luigi Minnaja” de la Belartaj Konkursoj de UEA 2011.

Li gajnis la Premion “Maŭro La Torre” 2015 (de ILEI) per la esplorlaboro “La tradukoj de Pinokjo: kiel evoluis Esperanto inter 1930 kaj 2003”.

Saluton de la prezidanto:

La kristana mondo kaj pro tio preskaŭ tuta Brazilo estas en Kristnaska festa etoso! Se vi ankoraŭ ne sentas la naturan ĝojon  renkonti homojn, rigardante ilin kiel verajn gefratojn, bonvolu, malfermu en ĉi tiuj tagoj vian koron!

Ne konsideru la daton, ĉar oni scias ke Kristo ne naskiĝis  la 25-an de Decembro! Konsideru la oportunecon por brakumi viajn gefamilianojn, precipe tiujn kiujn vi ne multe ŝatas, kiuj estas malproksimaj de via koro.

Dum  Kristnasko la homoj estas pli disponeblaj, pli amikemaj, pli toleremaj! Profitu la oportunecon por pardoni la homojn! Por kompreni la alian, kiel vi mem ŝatus esti komprenata en la samaj cirkonstancoj!

Rigardu ĉirkaŭen! Kiom da homoj serĉas geamikojn! Kiom da homoj vunditaj bezonas apogon, atenton, aŭ minimume iun kiu aŭskultus ilin!

Nia familio estas la homaro!

Se ni sukcesos kompreni tion, tiam, Kristo naskiĝos en nia koro nun!

Kore

João Otávio Veiga Rodrigues
Rotary E-Club de Esperanto – Brasil – Presidente
DG 2016/2017 – D4560 – Rotary International

Jarfine…….

Karaj rotarianoj,

Jam la tria semestro de nia kluba vivo estas ĉe sia fino kaj dum tiu tempo, la membroj interkonatiĝis pli – afero ne facila pro la fakto ke ni estas virtuala Klubo kaj la eblecoj fizike renkontiĝi ne estas multaj.

Tamen ni havis kelkajn okazojn dum kongresoj kaj aliaj eventoj paroli, proponi projektojn kaj interŝanĝi opiniojn.

Ni esperas, ke la nova jaro alproksimigu nin ĉiam pli por kune agadi favore al la noblaj celoj de nia organizaĵo Rotary International.

Interesaj projektoj atendas sian realigon en 2019! 

Hodiaŭ nokte estas la somera solstico kiam vi povas revi pri la mondo kiun ni homoj deziras…

Ke la jarfinaj festoj estu harmoniaj, simpatiaj kaj ĝojaj!

Iom da instruoj pri nia Organizaĵo ne povas manki en ĉiu renkonto por la novaj membroj

Kion pensas homoj, kiam ili vidas la simbolon de Rotary?

Vojaĝante tra la mondo antaŭ la eniro de miloj da urboj kaj urbetoj, vi vidas la simbolon de Rotary, la radon en blua kaj flava koloroj, sur simplaj aŭ elegantaj bazoj. Tiu rado  vekas en la rigardanto pozitivan mesaĝon pri solidareco, pri entuziasmo helpi frate kaj subteni la lokan komunumon per edukaj kaj humanecaj projektoj. Dum pli ol cent jaroj da iniciatoj diverstipaj Rotary agadas  ĉiam favore al pli bona mondo, al pli sana kaj pli homrajta socio.

Krom tiu vi vidas sur la ĉemizoj de miloj da homoj la diskretan simbolon de Rotary per insigno kun la rado, en afiŝoj, en entreprenoj kaj hospitaloj, en infanĝardenoj kaj lernejoj, informon pri la entuziasma helpo de la plej grava internacia helporganizaĵo ROTARY INTERNATIONAL.

Kaj tiu entuziasmo por helpi grupe en sociaj agadoj elvenas de homa sento nomata amikeco krom la konstato ke “FARI LA BONON – ONI BONFARTAS. Jes, la  amikeco inter rotarianoj estas la gluo, kiu kreas fidon kaj respondecon kune realigi grandiozajn kampanjojn favore al homoj en neceso.

Virtuala kodo de etiko en siaj profesioj kaj entreprenoj influas pozitive la mediojn kie rotarianoj vivas kaj laboras. La internacia organizo kaj la fondaĵo garantias finance la niciatojn de miloj da Rotary Klubo kaj nia Klubo estas parto de tiu granda familio de homoj kiuj strebas kunagadi por pli harmonia mondo en paco kaj kompreno.

Amike, Giuseppe Grattapaglia

La temo  de nia 6-a renkonto estas:  

AKVO, NIA PLEJ GRAVA TREZORO!

Karaj geamikoj:

Super la varma monda diskutado pri la globa varmiĝado, la suno ŝajnas varmigi plu intense.

Inter la konsekvencoj de la varmiĝado ni jam suferas pro la manko de akvo! En iaj regionoj pluvas tro multe, sed en aliaj landoj la varmego okazigas brulegojn pro la seka vetero.

Tamen en ĉiuj landoj la homaj korpoj estas egalaj, konsistantaj el 60% da akvo! Pro tio la rompiĝo de la korpa ekvilibro malsanigas la homojn. Tial oni rekomendas daŭre trinki akvon ek de la beboj ĝis la maljunuloj, do ĉiuj homoj. Tio estas saniga kutimo.

Rotary brakumas tiun sanzorgadon! “Akvo kaj sanigado” estas unu el la 6 fokusaj areoj de The Rotary Foundation!

Urĝa rotaria sintenado estas la ĉiutaga zorgo pri la akvo de nia urbo, de nia kvartalo, de nia domo. La problemo kiu okazas en la najbara urbo estas ankaŭ nia problemo! La manko de akvo en la najbara kvartalo, certe, estos nia problemo morgaŭ! Ni bezonas koni la situacion de nia urbo rilate al akvo kaj sanigado!

Mi sugestas al niaj geamikoj  serĉesplori pri akvo en sia urbo. Certe, vi trovos interesajn novaĵojn pri la temo kaj publikigos por ke ni lernu pri la diversaj landoj kaj ties akvosituacio.

Kore

João Otávio, via prezidanto 2018/2019

 PROJEKTO NIA “ LIBRO PRI AKVO”

Kun la supra tre grava propono de nia prezidanto inviti ĉiujn membrojn paroli pri la situacio de la akvoprovizo ĝenerale en sia loĝloko kaj lando, ni citu la tre interesan mesaĝon de nia membro DAVIDE ASTORI de antaŭaj kelkaj monatoj, rilate la komencatan projekton eldoni libron pri AKVO EN LA HOMA HISTORIO.

Karaj Geamikoj, jam ekde jaroj mi revas eldoni libron pri akvo, per kiu ni povu helpi al rotariaj projektoj. Sekve de la naskiĝo de nia nova klubo, kaj samtempe kaŭze de kelkaj miaj ne facilaj vivmomentoj, la ideo iomete malrapidiĝis, sed tio ĉi estas signo ke ni devas repreni la servon! Do, mi bezonas vian helpon. Mi havas jam preta provaĵon de la strukturo de la libro, kaj mi dezirus disdoni al vi, tiel ke vi povu havi ideon pri ĝi. Estas literara antologio kun bildoj (dulingve pensita, en esperanto kaj itala por la antaŭa klubo, sed nun ni povus traduki al la brazila, kial ne, aŭ pli ĝenerale al la angla, por havi pli vastan publikon).

 Ankoraŭ ni bezonus riĉigi ĝin per pluaj tekstoj kaj bildoj, kaj fine skribi enkondukon . Mi atendas vian kunlaboron! Amike, DAVIDE

Ĉu vi aŭdas? Pluvo falas sur la solecan herbaron kun klakado varia en la aero laŭ la folioj pli disaj, malpli disaj. Aŭskultu. Respondas al ploro la kanto de la cikadoj, kiujn ne timigas la suda ploro, nek la griza ĉielo. Kaj pino havas sonon, mirto alian sonon, junipero alian malsaman, instrumentoj.

                                                         2.

Grava novaĵo pri la konstanta disvastigo  de Esperanto en Internaciaj Organizaĵoj

Esperantisto rotariano en Germanio, membro  de tradicia Klubo, la kuracisto Christoph Klawe, prezidas unu el la fakorganizaĵoj de UEA nome la tre konatan UMEA,  kiu ekzistas jam pli  ol cent jaroj. Dr.Zamenhof mem estis kuracisto, kiel vi  scias sendube, kaj do ek  de la komenco de UEA kuracistoj ofte estis aktivaj esperantistoj, ĉefe en Japanio.

Sekvas teksto de UEA el Novjorka Informilo:

 La Universala Medicina Esperanto-Asocio (UMEA), organizaĵo aliĝinta al UEA, estis lastatempe agnoskita kiel membro-organizaĵo de HIFA (Healthcare Information for All: Sanprizorga Informado por Ĉiuj), tutmonda reto de sanprofesiuloj, eldonistoj, bibliotekistoj, teknologoj, esploristoj kaj politikfarantoj kiu laboras por universala kaj uzo-apoga aliro al laŭtema, fidinda informado pri saneco.

Tia informado estas konsiderata esenca parto de atingo de la celo “Sano por Ĉiuj” de la Monda Organizaĵo pri Sano kaj de la Daŭripovaj Evoluigaj Celoj de UN.

Informoj de la Sekretariejo:

La naskiĝdatrevenoj de du  el niaj membroj okazas en decembro!

Ne forgesu gratuli al João Otávio la 3.12. kaj Vanda Beatriz la 31.12.

Nia Klubo  elkore gratulas al niaj aktivaj kunlaborantoj kaj geamikoj!

Nia vidkonferenco pasintdimanĉe la 2-a decembro havis entuziasman interparoladon kun nia membro Jean Bosco Malanda kiu prezentos  post kelkaj tagoj sian projekton en la kampo de sanasisto.

Dum nia amiko Julio loĝanta en Dubai, tamen daŭre flugante tra la ĉieloj en aviadiloj de Emirates Arabe, traktis kun ni kelkajn detalojn vokante nin el Amsterdamo pri la projekto de Pacaj ludoj (Tĉukpilko).

Ke la decembra monato estu por vi ĉiuj la plej simpatia monato de la jaro 2018.

Nia temo la 18an novembro 2018:

“Ni estas internacia grupo de volontuloj agante por pli justa mondo”

Ni bone scias, ke Rotary ne havas la potencon de registaroj;

Nek la forton de armeoj; nek la monon de grandaj korporacioj;

Nek  la mistikon de religioj, kiuj promesas eternan vivon.

Sed Rotary posedas  la fidon kaj entuziasmon de viroj kaj virinoj, respondecaj volontuloj, pretaj oferti ion favore al pli bona mondo!

Iras al vi ĉiuj la invito de la estraro  paroli en la nuna renkonto pri siaj individuaj volontulaj agadoj por ke nia mondo estu pli justa morgaŭ ol hieraŭ.

Ni ja havas brilajn ekzemplojn de niaj membroj kiuj laboregas por Duolingo, por Tĉukpilko, por UNESCO, por profesia edukado ktp.

Ni  atendas aliajn ekzemplojn viajn en viaj nunaj komentoj!

Sekretariaj informoj:

 1.POLIOPLUS

Niaj membroj ofertis siajn kunlaborojn financajn por ke nia Klubo donacu 1.000 USD al la projekto POLIOPLUS, pri kio vi legas detalajn informojn en la naciaj revuoj de Rotary je via dispono en la reto. Se iu el vi ankoraŭ volas donaci, vakcinoj necesas multegaj.

2.ROTARY PROJEKTO PANETONE

Pasintjare vi ĉiuj ricevis la larganiman donacon de nia prezidanto João  Otávio per la surpriza alveno de speciala kristnaska kuko (panetone) en via hejma adreso.

Ne miru, sed ankaŭ la aĉeto  de tiu kuko estas Rotary projekto!

Nia distrikto aĉetas  en grandegaj kvantoj la kukojn por 6 R$, vendas al la membroj por 9 R$ kaj tiu bela diferenco iros rekte al humanecaj kaj edukaj projektoj. Se vi aĉetus skatolon kun 12 kukoj (108 R$) por donaci al viaj parencoj kaj geamikoj vi eĉ estas bonfaranto 2 foje! Dume vi disvastigas la ideojn de volontula agado en viaj rondoj.

Kiu volas  ankoraŭ aĉeti, devas tre rapide mendi ĉi nia prezidanto, kiu faros tutkluban mendon  en la venontaj tagoj!

Ne perdu tiun ĉarman eblecon donaci  kukojn kun Rotary emblemo.

3. KOTIZOJ ĝis 31.12.2018

Kelkaj membroj ankoraŭ ne sendis sian kotizon,  kiun la kasistino Sônia bezonas por pagi niajn devojn ĉe la Internacia Organizo R.I.

Bonvole rememoru kaj sendu al la konto de la Klubo en Brasilia:

Banco do Brasil Agencia 1003-0  Brasília Asa Norte 504

Conta 59.331-1 je la nomo ROTARY CLUB ESPERANTO BRASIL

CNPJ 28.788.665/0001-20

4. NASKIĜDATREVENOJ

Nia amiko  Ladislaŭ Afonso festis hieraŭ la 16.11. Sincerajn elkorajn gratulojn al Ladislaŭ kiu  partoprenis kun multaj aliaj membroj la UK-on en Lisbono!

Sekvas teksto  vere legenda – aperinta en la belga Rotary revuo en la franca lingvo, skribita de la RADE prezidanto Joseph van der Vleŭgel.

Rotary kaj Esperanto « du fratoj, kiuj ne konatiĝis »

En la jaro 1905 Paul Harris inaŭguris en Ĉikago la unuan rotarian kunvenon kaj samtempe en Bulonjo-sur-Maro la polo Ludwik Zamenhof inaŭguras la unuan esperantan kongreson. Tiuj ambaŭ pioniroj  por la paco verŝajne neniam renkontiĝis, sed Paul Harris ekkonis la ekzistadon de Esperanto, kiun li kvalifikigis kiel « lingvo universala », opiniante ke ĝi estis dediĉita al anstataŭo de ĉiuj aliaj lingvoj.

(artikolo kiu aperis en la belga rotaria revuo « Rotary Contact » de oktobro 2018)

Tiu determino « universala » estas probable  la komenco de miskompreno. Efektive Ludwik Zamenhof ekde 1887 kvalifikigas Esperanton kiel « internacia lingvo » cele al kreado de helpa idiomo sen la intenco anstataŭigi la aliajn lingvojn, sed por protekti ĉiujn. Li ellaboris neŭtralan lingvon permesantan, en justa maniero, la esprimon de ĉiuj kulturoj. La tradukado de mondaj literaturaj verkoj permesas la disvastigon de eksterlandaj kulturoj en la esperanta komunumo. La ekzisto de esperanta originala literaturo permesas al ĉiuj kulturoj esprimi sin juste. Rotary kaj Esperanto « estas kiel du fratoj, kiuj ne konatiĝis », skribis Alec Molisson (R.C. Abertay, Skotlando) kaj Norman Williams (R.C. Denton & Audenshaw, Britio).

Nuntempe, la lingvo konsiderata kiel « internacia » estas la angla, sed reale tiu estas nacia lingvo uzata internacie en ĉiuj kampoj, kaj neniu kapablas eskapi el tia fakta hegemonio. Tiu superregado aperis komence de la 20-a jarcento kaj persistos verŝajne ankoraŭ longatempe. Tamen ĝi povus malgraviĝi iompostiome se la aŭtomataj tradukiloj  kapablos iam anstataŭi fidele la fremdajn skribaĵon kaj parolaĵon.

Ekde sia disvastigo, R.I. renkontis grade lingvajn barilojn. Nuntempe ĝi  agnoskas ok oficialajn lingvojn : la germanan, la anglan, la hispanan , la francan, la italan, la korean, la japanan, la portugalan. Tamen fakte sufiĉas ĉeesti la internaciajn kunvenojn por ekkompreni ke en la praktiko tiu agnosko estas malfacile realigebla. Ĉi tie kiel aliloke, la angla superstaras. Pro tio, konverti multajn rotarianojn al Esperanto estas iluzio, des pli, ĉar ĉiu individuo elektas nur laŭ sia tuja persona utilo.

Tamen la rotarianoj tre frue perceptis la avantaĝon de Esperanto  pere de la kreado de RADE (Rotaria Amikaro De Esperanto), kies historion vi povas legi  – en la angla ! – sur la retejo. Maurice Duperrey (prezidanto de R.I. 1937-1938) estis membro de RADE. Plurfoje oni prikonsideris la aplikon de Esperanto kun pli malpli da oponoj. Kial elekti tiun konstruitan lingvon ? Simple por apliki la kriterion de la kvar demandoj.

1. Lingva problemo vere ekzistas, escepte por tiuj, kiuj konas ĉiujn lingvojn.

1. Ne estas juste iafoje esti devigata uzi fremdan lingvon ĉar la cirkonstancoj trudis tion al ni.

1. Komuna lingvo favoras bonvolon kaj amikecon.

1. Tio estas evidente justa, ĉar ĉiu dialoganto faris la saman klopodon por lerni komunan lingvon kaj ĉiu profitas de tio.

Jen la tuto! Ĉu oni fakte aplikas la kriterion de la kvar demandoj antaŭ la decido ?  Ĉu oni decidas sen uzi la kriterion ?

La rotaria historio disvastiĝis samnivele en specifa socia grupo, kiu sukcesis krei grandan amikan kaj oferteman movadon en la mondo. R.I. havas financajn rimedojn. Praktike la rotarianoj tute ne bezonas lerni Esperanto kaj konsideras tiun lingvon kiel utopio malgraŭ ke ĝi iĝis vivanta lingvo de internacia komunumo.

La esperanta historio disvastiĝas en tre malsamaj sociaj grupoj, kiuj sukcesis krei movadon de internacia komunikado sen signifoplenaj financaj rimedoj. Praktike la esperantistoj ne bezonas aliĝi al R.I. ĉar ili agas en esperantujo pri diversaj kampoj socie kaj kulture.

Konklude, estas egale malfacile konverti rotarianon al Esperanto kiel esperantiston al Rotario.  Kaj tamen ambaŭ komunumoj havas tiel multajn komunajn celojn, kies la pli esencaj estas interkompreno kaj paco en la mondo.

Sur  la paralelaj historiaj vojoj Rotario kaj Esperanto renkontiĝis tro malofte. Ekde longatempo la unua konas la duan pere de RADE, sed neniam aplikis tiun komunikilon. Sia flanke UEA havas RADE kiel fakan asocion sen partopreni en la rotaria movado.

Tiu paralela vojo finiĝis per  komuna renkontiĝo kiam RI permesis la kreadon de elektronikaj kluboj (eKluboj). RADE profitis de tiu oportuno por krei esperantoparolantan klubon. Post kelkaj problemoj ekzistas nun elektronika klubo, kies sidejo troviĝas en Brazilo. La estraro renovigoj okazas ĉiujare dum la Universala Kongreso de Esperanto : ĉi jare en Lisbono, kie la R.K. Lisboa-Norte gastigis nin (vidu la foton).

Konllude, mi esperas ke ekzistas ankoraŭ rotarianoj pretaj respondi al la sugeston faritan de Conrad Fisher (R.C. Meadville, Usono) en la revuo « The Rotarian » de majo 1981. Li sugestas al usonanoj lerni Esperanton  pere de lecionoj (gramatiko kaj prononco) en la revuo.

Kia estos la estonteco ? Mi esperas ke la brazila klubo kapablos kunvenigi rotarianojn el la tuta mondo kaj iĝi referenca klubo pri justa komunikado inter la membroj. Rezulte la brazila klubo povus esti komunikilo inter la du tro izolitaj  movadoj, RI kaj Esperanto.